غيابك صعب و الأصعب و جودك؟؟

[همسات غريبة]

غيابك صعب و الأصعب و جودك؟؟
اذا لك شف في شوفي .. تراني
على شوفتك .. صحيت الأماني


زرعت الشوق كله بأنتظارك
و أخذت الأنتظار .. و جيت عاني


نسيت الناس لكن .. ما نسيتك
عجزت أنساك حتى لو ثواني


مليت الكون .. و أشغلت الجوارح
نظر عيني .. سماع أذني .. لساني


عطيتك شيء ما هو عند غيرك
و لا قصرت .. لكنك أناني


انا أحبك .. و اذا ودك تأكد
شف الله كيف بيدينك هداني ؟


غيابك صعب و الأصعب وجودك
و انا فالحالتين أتعب و أعاني


حبيبي لا تواخذني .. و لكن
أبيك تحط نفسك في مكاني


اذا جيتك و انا مشتاق تقفي
تجاهلني و كنّك ما تراني


و اذا صديت عنك و قلت أبرحل
وقف قلبك على الباب و دعاني


و لو سويت نفسي ما اشوفك
يميل القلب صوبك و يحداني


أنا يا ابن الحلال أصعب حكايه
كتبني الوقت .. لكن ما قراني


مضى عمري و تقدر تعتبرني
غريب .. و في زمن ماهو زماني


زماني راح مع نصفي .. و نصفي
نسى نفسه مع الوقت و نساني

و اذا مريت فبلاد الطفوله
فتحت الصدر للحزن و طواني


هنا .. دمعه جرت من عين جاهل
هنا .. لاقيت همي و التقاني


هنا .. باعتني الديره و أهلها
هنا .. ضحيت لفلان و جفاني


هنا .. حاولت أصيح و ما سمعني
سوى بعض الشوارع و المباني


انا يا سيدي .. دقه قديمه
بغيت أخذ من الوقت .. و خذاني


على الأنقاض واقف دون حيله
أشوفك وجهتي بين المواني


تعاال .. و طفّ بيدينك حنيني
تملكني .. و أنا أشعل لك حناني


تعال .. و ضمني يا تاج قلبي
دخيلك لا تخليني .. عشاني


انا شاعر عيونك يا حبيبي
مع التحريف في بعض المعاني


( و ما نيل المطالب بالتمني
و لكن شوفتك كل الأماني )


محبة صادق النيه .. قصايد
و محبة ساقط النيه .. أغاني


قسم بالله لو موتي بيدك
و أموت الفين مره .. ما كفاني


و أذا باقي من الطلقات .. طلقه
دخيلك .. حطها بين المحاني

مما راق لي

__________________

[الايناس]

والله وراق لي
روعه كلمات جميله
اشكر انتقائك المميز

[همسات غريبة]

هلا وغلا انوسة

اشكرك على مرورك الرااائع الله مايحرمني هالطلة الحلوة

[طيب الفال]

ابيات جميلة راقت لي
اشكرك همسات غريبة على اختيارك الرائع
ننتظر جديدك ولك تقديري واحترامي

[همسات غريبة]

هلا باخوي الجحطاني..

لك احترامي وتقديري على مرورك الرااائع