ممكن مساعده؟

[المتعطش]

السلام عليكم اخواني واخواتي الاعضاء
انا تشرفت واصبحت عضو في هذا المنتدى الرائع والمفيد
واتمنى من كل قلبي ان افيد واستفيد مما تسطره اناملكم المبدعه
أنا عندي طلب وأتمنى من الجميع التفاعل لأني أريد مساعدتكم
أنا قبل شهرين ملكت ولله الحمد بس أنا من الناس اللي ما كنت أكلم ولا أحب أكلم كثير
بس الحين زي ما تعرفون لازم اني اكلمها وتكلمني ونعرف بعض أكثر
لكن أحس ان المواضيع خلصت وطلبي وش المواضيع اللي يمكن انها تطرح في فترة الملكه ؟
وش الأسئله اللي ممكن انها تساعدك على معرفة شخصية البنت ؟

أرجوا التفاعل ولكم خالص تقديري

[مرايم الشرقيه]

الف مبروك ع الملكه

امم تقدر تسالها عن اللي تحبه وتكرهه
امم اسالها شنو تتمنى يكون نظام حياتكم بعد الزواج ومن طريقه تفكيرها ممكن تعرف جزء من شخصيتها

[المتعطش]

الله يعطيك العافيه اختي مرايم الشرقيه على المرور
بس بصراحه توقعت التفاعل أكثر
أنا كتبت في موضوعي أني محتاج لمساعدتكم . بس رد واحد :crying:

[انوثهـ مجروحهـ]

امممم
أسألها وشي مواصفات فارس احلامك الي تتمنينه وعن هواياتها والاشياء الي تحبها والي تكرهها
والله يتمم عليكم بخير ,,,

[رونقة الجمال]

اسألها وش كانت تتمنى يكون في فارس احلامها من قبل
اسألها وش تتمنى يكون السكن من اثاث
اسألها قول لها اذا فيني شي مايعجبك قولي لي << علشان تغيره
اسألها وش كثر تحبيني
اسألها وش اكلتك المفضله << طبعا اذا اخذتكم السوالف
اذا طلعت معها قول لها وش احلى مكان تحبين تروحين له دايم
اسألها وش الدوله اللي تتمنى تسافر لها

<<< طبعاً في البدايه لازم يكون فيه خجل وبسرعه تسكرون المكالمه
بس بعدها اذا اخذتو على بعض راح تطولوا ثلاث ساعات او اربع

مع السوالف تندمجون <<< طبعا لا تسألها كل الاسأله مع بعض في مره وحده لا

طبعا انت بس مجرب تسألها سؤال واحد راح تجاوبك وتطلع سوالف وشرط راح تنسى الاسئله الباقي


تقبل مروري وسوري ع الاطاله
تحيااتي ^_^