موضوع محيرني بالمـــرة

[الغلا مني وفيني]

السلام عليكم ورحمة الله وبركاته

عندي مشكلة ومب عارفة وين ابداها .. ممكن للبعض يكون الموضوع مب بهالصعوبة بس أتمنى إنكم تساعدوني فيه

في ناااس تريد تتقدم لي .. بتقوولون وين المشكـــلة .. المشكلة إني من دولة وهو من دولة ثانيه وانا مب عارفه كيف بقدر أعيش في ذيك الدولة .. انا من الامارات وهو من قطر .. الولد ماعليه كلام .. لا هو ولا اهله .. وناس معروفين ..
الصراحــــة فيه خصلات وااايد زينة .. بس مب قادرة أستوعب أنا كيف ببعد عن أهلي وبعيش في مكان غير المكاان اللي متعوده عليه ..

أحس إني بكون ضايعة :crying:

وانا الصراحه أفكر اني صعبه انه يتاقلم معااي أو أتأقلم معااه .. في أشياء نختلف فيها مثل اللهجة والتصرفات .. ما اعرف بس في أشياء وايد إدوور في بالي ..

وحده من معااارفه تمدحه لي .. بس احس نفسي ما اقدر اعيش في بلد غير بلادي .. ما ادري

شوروا علي .. بلييييييييييييز

أتمنى الكل يساعدني وما يفهمني غلط .. وترى والده هو اللي شافني وبغاني لولده .. كل شيء صاار بسـرعه.. وأهلي تعرفوا عليهم يوم كانوا مسافرين وزرناهم لانهم عزمنوا على حفل زواج

[الغلا مني وفيني]

كل هالمشاهدات؟!! ولا حد يريد يساعدني :(

[الغلا مني وفيني]

:-(
:-(
:-(
:-(
:-(

[مملكة الورد]

السلام عليكم ورحمة الله وبركاته يسعدني اني اكون اول وحده اترد على موضوعك اموفقه ياقلبي حبيبتي صلي واستخيري وانشاء الله ربي بيدلك على الي فيه الخير بس حبيت اوضح لك نقطه دام الولد ماعليه ومافيه عيبومن عائله محترمه ليش لا؟ تأكدي انوه مومنطق اختلاف الاماكن ماتدرين وين الصالح فيه واختلاف الهجات راح تتاقلمين عليها وراح يفهمك وتفهمينه سمعتي المقوله الي تقول من عاشر قوم اربعين يوم صار من هم فكري ابعقلك مو ابقلبك ربي معاك ياالغاليه ولا تستعجلين ابقرار تندمين عليه لا تردينهم خليهم يعطونك وقت اتفكرين وتستخيرين وشوفي راي الوالد والوالده ورايك مهم اكيد اولا واخيراا وبعدين ردو لهم مو تستعجلين ...طولت عليك بس اتمنى لك حياة حلوه اختي وخبرينا ابجديدك موفقه بإذن الله ... لك مني أجمل تحية . :bye:

[الغلا مني وفيني]

أسعدني ردج مملكة الورد .. خصوصا إني وايد مترددة وطرحت موضوعي لكن مافي حد رد علي ووجهني

انا قلت جذيه بعد .. ناويه أستخير .. بس ساعات اسمع الوالدة تقووولي قلبي بيتقطع لو راحت عني .. أنا أمازحها لانهاا كانت دوم تدعيلي انه أزوج واحد من بعيد ياخذني طبعا من باااب المزاح كانت تدعي .. قلتلهاا ليكون دعوتج تحققت .. هي كانت تمزح لاني وايد ادلع عليهم وانا البنت الوحيدة

كل ما انوووي اني استخير إتيني أفكــــار اني كيف بتأقلم معـــــاه وأتم أفكر بأهلي .. ما استبعد من اهلي انهم يشرطون عليه يعيش معانا!!

الله كريــــم إن شاء الله..