أغووووووووووه

**خجل...** · 08-20-2008, 01:20 AM

حبيبي اليا قال احبـك قلـت لـه لافـظ فـوه
وان قال مااحبـك بعـد اقـول لـه لافـظ فـاه

طبعه كذا حسبي علـى مـن طبعـوه ودلعـوه
يخطي عليه بالدلع مير الخطـا ماهـو خطـاه

غنوج ومدلع وشـارب مـن دلال امـه وابـوه
والارض من تحته تغنج له وتسعى في رضـاه

وحتى الشوارع يوم يمشيها تصفق له ياهـووه
واستغفر الله لو بقول ان السمـا هـذي سمـاه

طايش ولكنه يعـرف الـدرب ولايمكـن يتـوه
يخلط عبارات الطفوله فـوق تفكيـر القضـاه

من زين طبعه كلما يزعل حبيبه قـال آغـوووه
مره ينغنغ لي ومـره ترسـم البسمـه شفـاه

وانسى الزعل واطلع بكلمه زاحفه وآقول آقوووه
واليا نشدني ويش معناها سكتـت وقلـت هـاه

وان صمم وعاد السؤال آقول الوه الـوه الـوه
معنى آقووه انك تساوي كل شـي(ن) فالحيـاه

واللي كساك امن الجمال وزينك بيـن الوجـوه
إني تبعتك كثر مايتبـع قصيـدي مـن غـواه

شفت الغلا فقلوب كل الناس لو جـو واجمعـوه
حـرام ماياصـل غـلاك ولايشابـه مسـتـواه

تكفون يااصحابه ويادمـه ولحمـه مـن ذووه
خلوه يذبحني وانا اكتب له قصيده عـن غـلاه

خلوه يدعج رمـش عينـه ياخلايـق واتركـوه
خلوه يطعني بشلفـا الرمـش ياجعلـي فـداه

ويالايمينـي لومـو اللـي فـي حياتـه دللـوه
وش عاد لـو زاد الـدلال الله يرضالـي عـلاه

ياليتني في حلته وآصير اعز اصحـاب اخـوه
عشان لا مني زعلت ايشوفنـي ويقـول آغـااه

من منقولي ...