وصــف عـــيـــنـــك

[القلم الجنوبي]

وصف عينك




يستريح آخر محارب . وينهزم وقت الحماس
وينقلب بشت الرجاوي والمطر قاعه بلاط


وأقسم بربي جميله وأجملك مثل النعاس
والمصيبه هذا زينك ف العيون ألفين واط


وصف عينك وانتي (عينا) يستحيله إقتباس
وصف عينك وانتي (حورا) هو دليل إلاختلاط


أنقا من عين القماري . أصفا من ميه وكاس
والطغا طبع اللواحظ يا ل ظلم الإرتباط



وعفها اف زايد خجلها وكل نظره إختلاس
وذنبها مع خلق ربي لا إرادي ولا اعتباط



وعينها لحظة زعلها . عين طيري ف العساس
اشقر اب جنحه يكافخ وما يطيق الإنضباط


وتحتوي اصعب قضيه كالسياده والمساس.
تشبه أحلام الحريري وإلا وحدة جنبلاط .


والكحل صنعه عظيمه وماهي قصة إلتباس
والأكيد اجمل نواظر تحملك بسم الهياط


ورمشها كنه يسولف . عن قضايا الإحتباس
وإن تمادى بالسوالف يأسرك سحر الرباط


وجفنها خنجر عماني مانفع معه احتراس
يعني وبكل البساطه لاتوخي ولا احتياط



مثل ضربات الشظايا لوضرب صعب المراس
يترك اف جلدك جروحه والذريعه إنبساط


ياعيونك ارحميني وأرضي همي بإنتكاس
وجملة البرد ابعظامي تختفي حتى افشباط


إزرعيني في نظيرك وانتي كلي والأساس
واسجنيني ياعيونه دون قيد ولا اشتراط

[سيــــدة الغيــــد]

يسلمك ربي قصيده ولا اررررروع
شاكره لك وفي انتظار جديدك

[حروف لم تكتمل]

الــــــــــف شكر
ابيات في قمة الروعه
الله يعطيك العافيه

[البااارونه]

روووعه مانقلت لنااا

تسلم ع هيك طرح

الله يعطيك العافيه ..

[اسيرة توتي]