اتوحم على زوجي

[ملاك وعيونها هلاك]

اهلين
اخواني واخواتي ..
انا الحين حامل في الشهر الثاني وقريب بدخل الثالث
ومن بداية حملي .. وانا كارهه زوجي
ابي اشوفه عادي بسس مابيه يقرب مني او يلمسني
وهو كان ينام في غرفة ثانيه وانا انام ع السرير
وكل مادخل الغرفه ياخذ شيء قمت طردته واحيانا يعصب
ازعل منه واطلع من الغرفه .. بس نرجع بعد وقت عادي
المهم الحين له شهر مايجلس في البيت كثير
واكثر وقته خارج المنزل .. احيانا يصلي الفجر ويرجع البيت
واحيانا ينام برا البيت .. يعني ينام عند اهله
تغيرت علاقته فيني مو مثل قبل .. وشكله ماخذ خاطره ع الاشهر الي مرت
واحيانا الشيطان يوسوس فيني انه شايف غيري ولا شيء
والحمدلله موب مقصر معي اذا نقصتني فلوس عطاني وكذا
بس مثل ماقلت لكم مره متغير
والصراحه مادري اذا هذي الشكوك عشاني حامل ولا شيء ثاني

ياليت تساعدوني وش اسوي !

[اميره بكلمتي]

اهلين وسهلين حبيبتي /
ابد لا تخافين هذا وحم طبيعي ....تحسين بالحاله هذي
بس لازم احد يفهمه كلمي اخته او اي وحده تقرب له تمونين عليها .
تفهمه ان هذى وحم وحاله طبيعيه .
ولازم يساعدك تتخطينها ...واهم شئ يتفهمك .
وانتي بعد ما يروح الوحم
حاولي تراضينه
وتشرحين له الوضع
هو يحس انك تكرهينه .
فيطلع من البيت ويحاول ما يزعجك
فصلحي الوضع وفهميه
وحاولي ما يطلع من بيتك ابدا
وربي يتمم لك على خير
ويقومك بالسلامه

[نوااارة]

هلابك وحيااااااااااااااااااك اختي الكريمه

صح وحاااااام ماقلنى شيئ

بس غلط تصرفك تقدري تكتمي وملازم تقولين كذااا ,,,,,,,,,,,,,,,,,,,,,,,,,,,,,شفتي النتيجه

كيف بالله تبينه يقعد عندك وهذاا تصرفك طبيعي بتغير عليك

انا اعرف حريم زيك بس والله تكتم وتتحمل ولا تحسسه رغم تستفرغ كل ماتشم ريحته بس يتحملون

...........................................لا زم تستعدين زوجك من جديد مثل ماطفشتيه باالوحااام

رجعيه باالحب والحناان والسؤال عليه ارجعي من جديد استعيدي محبته

وبتوفيق

[♡ sαяσиα]

الله يصلحك يا بنت الحلال...
مثل ما قالت نوااره لازم تتحملينه ولا روحي لاهلك انتي
وفهميه ان الوحم يتعبك..
اختي كانت مثلك وحمها كان على زوجها..وقوي مرره
والله كااتمه مسكينه بقلبها ولا قاالتله..
رغم انه كل ما قرب منها ودها تستفرغ..
الرجال ما يفهمون..يبيلهم احد يفهمهم..
لاتتوقعين من حاله بيحس فيك..
والافضل تروحين لاهلك..
ولازم تعتذرين منه..
وتفهمينه..ان هالشي يصير غصب عنك..


الف مبروك الحمل..والله يتمم لك على خير

[ذيـــــ نجد ـــــب]

السلام عليكم ورحمه الله وبركاته


الله يستر هذا الي حنا خااااايفين منه
عاااااااد انا وش بيصبرني اذا صاااااااارلي كذا
ع العموم اختي الاخوااات ماقصرو معك تحملي زوجك وكتمي في نفسك ولا روحي لهلك