`··._.· (صــيـــاديــــة الــروبـــيـــــااان من مــطبــخي) ·._.··`

**ج ـــلــنار** · 07-05-2010, 12:22 AM

السلام عليكم ورحمة الله وبركاته

بعد فتره من الرااحه والهروب المستميت من المطبخ ... حلوة المستميت صح ..؟؟ خخخخخخخ

المهم

جبت لكم أكله بسييييطه ولذيييذه ,,,, بصراحه الشغل سريع والتصوير مو ذاك الزووود لكن عدوووهااا :spying:

ندخل في الموضوع بسرعه ...~

المقادير اللي استخدمتها بالنسبه لعدد افراد عائلتي الله يحفظهم ..

يعني بإمكنك تخليها النص ..

2 بصل مقطع جوانح

4 كوب رز

2 كيلو روبيان طازج مقشر يغسل ويغمر بمويه وعصير ليمونه وملح

2 ملعقه سكر

ربع اصبع زبده

فص ثوم مهروس

مقادير .. ( أ )

2 فلفل رومي يقطع على شكل اعواد طويله

3 جزر كمان يقطع على شكل اعواد

2 طماطم يقطع صغير

2 فلفل حار حسب الرغبه

ملعقه معجون طماطم

2 ليمون اسود

3 اعواد قرفه ( دارسين )

4 حبات هيل

ملعقه صغيره زنجبيل أخضر مبشور

مكعب ماجي

ملح _ فلفل اسود _ كمون _ ملعقه صغيره بهارات مشكله ...

الطريقــه ....

حطي قليل من الرز تقريباً نص كوب في شوي زيت حتى يشقر لونه

بعدين اضيفي عليه البصل ويحرك لين يحمر تماماً

بعدما يتحمر البصل حطي عليه الروبيان وحركيهم مع بعض شوي

بعدين أضيفي مقادير ( أ ) عليهم وقلبيهم زين واتركيها شوي تتسبك وبعدين صبي عليها شوي مويه

وغطي عليهم لين تحمرين ملعقتين السكر اللي قلت عليهم بالمقادير واذا تحمر صبيه على الروبيان

وخلال شغلك في الروبيان اسلقي الرز 3 ارباع سلق في مويه - ملح - آجي أو مكعب ماجي - زيت

او مرق متوفر من قبل ...

بعد ماينسلق الرز اضيفيه على الروبيان ثم يوضع في مقلاه على النار ربع اصبع الزبده واذا بغيتي حطي فص الثوم

وتحمر قليلا ثم تضاف على الرز ..

ثم يقصدر القدر ويترك على نار هادئه جداً لمدة نص ساعه ...

ويقدم على حب رغبتك ممكن تقدميه بنفس طريقتي وممن تقدميه مثل المقلوبه

وتقدم مع هالسلطه اللذيييذه ....

مقادير السلطه ...

تخلط علبه زبادي - نص كوب لبن - ملعقه صغيره نعناع مطحون - نصف ملعقه فلفل حار مطحون - ملح

وهذي صوره جويه ...

ياااااااااارب يعجبكم واستروا على ماواجهتوا ....:rotate1:

ولكم مني أرق تحيه :196::220:

مون فايس · 07-05-2010, 12:51 AM

اقف لك بمنتهى الاعجاب :clap::clap::clap::clap:

ماشاء الله تبارك الرحمن

عيني عليكي باردة :clap2::clap2::clap2::clap2:

مايحتاج كلام اشم ريحة الصيادية مع الزبدة من عندي .. ومت جوع نص الليل

ابدعتي تستاهلي وسام احسن طباخة بالقسم على هالطبخة

**ج ـــلــنار** · 07-05-2010, 01:00 AM

تسلمييين ياغلاي الله يرفع قدرك ويخليك

بصراحه كلامك رفع معنوياااااتي كثييير

الله يسعد قلبك يااااارب

ألف ألف شكر لك

لاعدمتك

ريحة عطر · 07-05-2010, 03:02 AM

تسلم ايدك اموووووووره من جد شكلها حلووووووووووو

ورااااااااقي ..

ماشاء الله تبارك الرحمن عليك من جد مطبخ السنعااااااااات

أمووووت بروبيااااااااان والطريقة السهلة

لك مني كل الشكر والتقدير

**ج ـــلــنار** · 07-05-2010, 03:41 AM

الله يسلم قلبك عطووووره

فديتك ياغناتي على هالطله الروووعه

ألف ألف شكر لك

لاعدمتك