قــصــيـدة ونــاســه .. .. .. - زوجــي و زوجتــي عالم الحياة الزوجية

كوله مو معقوله ..:: كـــ vip ــــبار الشخصيات ::..

البارحة جاني مـن الحـب مرسـال .....من عقب ما بينـي وبينـه خصيمـة

وانا ترى في الحـب مانيـب فعّـال .....ولا بعـد ولّـع بقلبـي هشيـمـه

ولا بعد غنّيت فـي ساعـة وصـال ......ولا بعد ذقـت الفـراق وجحيمـه

ولا جرى دمعي على الخـد همّـال .....ولابعـد جربـت مــرّ الهزيـمـة

حتى وردنـي تالـي الليـل جـوال .....وانا على شاهي وبسكـوت ديمـة

الرقم بايخ لكـن الصـوت قتـال .....كنه مثل صـوت المذيعـة حليمـة

قالت مساء الخير يـا طيّـب الفـال.....قلـت ارحبـي ترحيبـةٍ مستديمـة

بالعود والصفـري ودلـة وفنجـال .....واجبك يا بنت الأصـول الكريمـة

ردت بضحكة ثم قالت وش الحـال؟.....قلت اشهد إن الحال عقبك سقيمـة

قالت وهي تضحك بعد مثل الأطفال.....وانـا بعـد كنـي بدونـك يتيمـة
من يـوم قالتهـا تزلزلـت زلـزال.....من فجعتي كنـي مسـوي جريمـة

قلت ارفعي صوتك ترى مابه ارسال.....كـذاب لكـنّ المصيبـة عظيمـة

قالت أقول اسمع ترى هرجنـا طـال.....ممكـن تصاحبنـي ترانـي وسيمـة

واسمي الحقيقي أول حروفـه الـدال.....لكـن يسمّونـي البنـات الزعيمـة

صحيح أحب الفخفخة واعشق المال.....لكـن ترانـي طاهـرة مستقيـمـة
ما عندي امغازل ولا (لعب يهّـال).....ما عندي إلا في الشرف والحشيمـة

بس الصراحة قلبي لشوفتـك مـال.....واصبحت وحدك جالسٍ في صميمه

فكّر بعقلك واترك القيـل والقـال.....واحذر تطيع اهل العقـول العقيمـة

وارسل علي الحين خمسميـة ريـال.....أشحن بهـا جـوال أختـي غنيمـة

أو طقم غالي فيه خاتـم وسلسـال.....أروح بـه فـي عـرس ولاّ عزيمـة

قلت الحقيقة مانيب رجـل أعمـال.....ولانـي بتاجـر والمـوارد عديمـة

أنا الصراحة شبـه عطّـال بطّـال.....وعلاقتـي بالفقـر جـداً حميـمـة

والراتب الله يرحم الحـال مـا زال.....محـدود والمصـروف ربـي عليمـه

والدين بـالآلاف والبنـك شغّـال .....ياكـل فلوسـي بالربـا والظليمـة

والسوق طايح والغلا ضيّـق البـال.....والموت والله صايـر اكبـر غنيمـة

قالت تحمّل بـس والحمـل ينشـال.....خلك شديد الباس صلـب العزيمـة

ياخي تصرّف جعلك اتصيـر نشّـال.....أهـم شـي إن النوايـا سليـمـة

لابد تفهمني علـى كـل الأحـوال.....ما دمت من أهل العقـول الفهيمـة

قلت إيه والله فاهم اللي على البـال.....لكن تـرى هـذي علينـا قديمـة

يا بنت هـذا صايـر اليـوم مـوال.....للي تبي تلعب علـى ابـن اللئيمـة

يا بنت ما تدرين كـم فيـه محتـال.....يلعب على الحبلين وانتـي غشيمـة

يا بنت كم من جاهلة دمعها سـال.....من عقب ما جات العواقب وخيمـة

والبنت لا اقفى عرضها بيد الأنـذال.....والله مـا يبقـى لهـا أي قيـمـة

قالت تبي ولاّ فخلّك علـى جـال.....مهوب ناقصـني نصايـح حكيمـة

عز الله إنك للأسف منـت رجّـال.....وانك قليل الذوق ما فيـك شيمـة

يا لعنبو اللي مـا يسطّـرك بنعـال.....حتـى يعلمـك الغـزل يـا بهيمـة

( تفو ) عليك وصكّت الخط في الحال.....مدري ( تفو ) هي مدح ولاّ شتيمـة

مـ نـ قـ ـول

كوله تتحدث :هذي البنت غبيه من اول اتصال قامت تطلب

؟؟
المفروض تضبطه كم شهر وبعدين تطلب خخخههههه امزح والله والله امزح

توقيع

السلام عليكم :msn-9ef96af442:
وحشتووووني والله... تعرفووون شوووووق قلب كبير عشق كثييير... الخ

جالسه اغنيها لكم.. كل اللي كنت اعرفهم ويعرفوني عساكم بخير

: :111:

فراشه حائره ..:: عضو مميز ::..

روووووووووعه

الطفلة الغنوجة ..:: عضو مميز ::..

ههههههههههه
صح لسان قايلها وسلمت يمينك ......

توقيع

| | من بغى يمشي بجنبي لاجل يوصل (مستواآآي)

بلغه خاآآلص تحياتي وقله (يستريح) | |

cherry

فيصل الروقي ..:: عضو برونزي ::..

صح لسانك أختي
كوله مومعقوله
حلوووه القصيده

هااا باين ماتقنتي عملية البحث زين ههههه
شاهي وبسكـوت ديمـة ..
في البحث

توقيع

فصول عمري الاربعه

في ليالي الشتاء الباردة : أكتب دفء كلماتي

في ليالي الربيع المزهرة : تزهر ذكرى سنيني‏

في ليالي الخريف الدافئة : تتساقط أحزان عمري‏

في ليالي الصيف المذهلة :أحن لنسمات وطني

FAISAL AL-ROGI

لحضه وداع ..:: عضو مميز ::..

ههههههههههههههه اشكرك كوله حلوه

توقيع

اللهم اني استودعتك قلبي فلا تجعل فيه احد سواك واستودعتك لا اله الا الله فلقني اياها عند الممات للهم اني اعوذ بك من القبر وضيق القبر ووحشه القبر وضمه القبر اللهم اجعل قبري روضه من رياض الجنان ولا تجعله حفره من حفر النيىران
لااله الا انت سبحانك اني كنت من الضالمين

ونــاســه, قــصــيـدة

الموضوع التالي

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )