بليييييييييييييز افيدوني ...!!

[GirlHeart]

السلام عليكم ورحمة الله وبركاته

اناعندي مشكلة مو مع زوجي مع نفسي ....؟!!
انا مملكة ليا شهرين ونص وزوجي على كلامو انو يحبني وميت فيني بس ماني قادرة اتقبلو ابدااااااااا يجيب ليا هدايا كل شي كنت اتمناه من اهلي جابو ليا بي ماقد فرحت بهدية جابها ليا حتى لمن اكلمو اتهرب منو اصرفو اقلو ابغا انام اقلو اي شي المهم اني مااكلمو ماني قادرة اتقبلو ابداااااا كلمت امي وقالتلي لمن تروحي بيتك حتحبيه ..
بس سرت اقول في نفسي امكن عشان من البداية انا كنت مترددة اني اخدو او لا وفكرت كتييييييييير اني اطلب الطلاق بس اهلي شايفين انو سبب تاقه بالنسبالهم اما انا شايفتو اهم سبب لان لو الحرمة تحب زوجها وماتبغاه يبعد عنها حتسوي كل شي عشان ترضيه الا انا اسوي اي شي عشان ينرفزو اعاندو بكل شي وهوا متقبل وساكت ادور اي شي عشان تسير مسكلة بيننا سبب واحد عشان اروح اقول لااهلي اننا اتخاصمنا ماني قادرة اتقبلو ماني متصورة اني بيجي يوم ونكون انا وهوا فبيت واحد حتى لمن يجي زيارة ليا احس بطفش ومابغاه يجي ويطول عندي ابغاه يروح
انا ماقد حبيت قبل كده كنت دايما اقول بخلي حبي لزوجي وجا زوجي واتمنيت انو ماجا لدرجة اني اتمنيت اموت قبل زواجي مايجي والله اني تعبانة من ها الشي وزعلانة اني اكدب عليه عشان ماابغا اكلمو ومااحس انو في احد فاهمتي كل وحدة تقلي احمدي ربك بيجبلك هدايا فلانة مخطوبة عمرو ماافتكرها بوردة انا ماني شايفه انو الهدية تخليني احبو اواتقبلو حتى احس اني اول بنت تنخطب وتكون زعلانة ايام خطوبتها او حتى بعد شبكتها تصحى من النوم منككككككدة وزواجي قرب وقلت لاهلي انا ماني نازلة السوق انتو انزلو ماني طايقة اشتري شي الله يخليكم قولولي حل ... معليش طولت في الكلام بس من القهر الي فيني:crying::crying::crying::crying:

[عـطـر 7ــساس]

اهلييين اختيي

الله يسعدك

طيب ماذكرتي اسباااب ليش منتي متقبلته

يعني من ناحيه الشكل ولا من اي ناحيه

شوفي ياعمري

انا اختي عمرها 19 اتقدم لها واحد وتمت الخطوبه وكانت ساكته بالبدايه ماتقول شي عنه

بعد فتره نفس كلامك تقول مااتخيله زوجي وماابيه ومدري وش

بس لما جلست معآها عرفت انو جرحها

انا اشوفه مو ذاك الشي بس اختي حسآآسه ولسه مرجوجه شوي خخخخخ

بس لما جلسنا معاها فهمناها مو اي كلمه تزعل منها وتعتبرها اهانه مو لذي الدرجه

بعديين صار الوضع عااادي تكلمه ويكلمها وماشاءالله ماعليهم شي

انتي شوفي ايش السبب

يعني انساان يحبك وشاااريك طبيعي لما تحسين بحنانه واهتمامه تميلين له وتحبينه

اما كذا مو متقبلته مدري اعتقد في سبب

طيب ماصليتي استخااره وبايش حسيتي

اقري على نفسك يمكن عيين دام انك تكرهين حتى وجوده داخل البيت

حبيت اساااعدك

انشالله اخواتي هنا يفيدونك مايقصرو الله يسعدهم

تحيآآتي

[GirlHeart]

يعطيكي العافيه اختي عطر حساس

صليت الاستخارة وماحسيت بشي عادي صليتها تقريبا 4 مرات
انا كنت شايفه انو كبير عليا فرق بيننا 12 سنة انا عمري 18 وهوا 30
وكنت مرررررررة مترددة ساعه اقول ايوة وساعه لا
حتى زوجت اخويا قالت انو عين لان بنفس السنة ملكو 2 من اخواني واحد بعد 5 شهور اتزوج والتاني
قبل كم يوم ادعوووووولي

[أم تيمو]

بسم الله عليك ياقلبي.. يارب مو عين..حصني نفسك دايما.. ان شاء الله أزمة وتعدي , بس اذا نفسك مسدودة منه عشانه كبير بالعكس الكبير يدلعك أكثر من الصغير اللي حتلاقيه طايش ويسوي رجال عليك..
لكن اذا فيه شئ ثاني افتحي قلبك و قولي وان شاء الله نقدر نساعدك..
ماشاء الله الأخوات مايقصروا

[GirlHeart]

يعطيكي العافية ام تيمو ادعوووووووولي الله يخليكم لاني كرهت حياتي والله