ولدي احترت معاه ممكن تشورون علي

[أم تيمو]

السلام عليكم ورحمة الله وبركاته
ياجماعة الربع شوروا علي الله يريح بالكم ولدي عمره أربع ونص الله يحفظه لكنه نااااااااعم وحساس ويبكي من أي خدشة وينجرح من أي كلمة ويخاف من الصوت العالي وما يحب الازعاج.. ولايحب لعب الكوره حده دراجة وسكوتر في اللعب وأكثر وقته عالتلفزيون.. المهم:أنا السنة الماضية لما كان عمره ثلاث ونص دخلته الروضة وفرح فيها بالبداية لكن في نهاية الدوام باليوم الأول جاني يبكي لأن معلمة الانجليزي خاصمت ولد مزعج..يقول خوفتني.. وديته مدرسة ثانية يقول الأولاد مزعجين صوتهم عالي
وبعدها ما رضي يروح للمدرسة وكنت أخليه يداوم غصب لمدة شهر وكان يبكي يوميا.. بعدها ماخليته يداوم.. والان هو في سن الروضة والسنة الجاية تمهيدي.. وأمي تنصحني ما أدخله تقول خليه يشبع نوم والسنة الجاية دخليه تمهيدي مرة وحده.. أنا ودي أدخله عشان أصقل شخصيته وأخاف لودخلته يتعقد أكثر..
وش رايكم؟؟؟؟؟؟؟

[البااارونه]

السلام عليكم ورحمة الله وبركاته
هلابك أختي والله أنا ما أنصحك تخلينه في البيت خوصن انك تقولين إن الولد ناعم وحساس وهذا شي مو أجابي في شخصية الولد لئنه بكره بيكون في مدرسه كلها أولاد ورجال بس أشوف لوتضمينه لى اقرب حلقة تحفيظ قران في أي مسجد من المساجد الى جنبكم وتطلبين من زوجك انه يكون معا وزي ما تعرفي المسجد هو المدرسة الاولا في الإسلام وبكذا ولدك يفتح عينونه على الذكر ويتعود على مخالطة الرجال الطيبين وحولي تبعدينه عن مخلطات البنات عشان ما يتعود على النعومه الله يوفقه وتشوفينه رجال في احسن حله

[ج ـــلــنار]

عليكم السلام ورحمة الله وبركاته


ماشاء الله تبارك الرحمن الله يحفظه ويصلحه ويخليه لك يااااارب


بصراحه الطفل اللي زي كذا متعب شوي الله يعينك ياارب لكن انا مع كلام امك الله يطول بعمرها على

الطاعه ويخليها لك .. ومو عشان النوم لأ عشانه لسى صغير والأهم من هذا كله ان طاعة الوالدين واجبه

ووالله يأختي ماقالوا والديك شيء وتسوينه الا ربي يوفقك فيه أو في غيره

لكن نصيحه ماتخلينه ,,, أولا _ حصنيه دائما

ثانيا _ لازم تحاولين تدمجينه قد ماتقدرين مع الاطفال بالذات لما تكون فيه

جمعه كبيره وعيال كثير عشان يتعود لان شكله متعود على الجلسه لحاله فصار يتأذى من الازعاج واللمه

والله يحفظه ويهديه ويجعله من الصالحين يااارب

[أم تيمو]

مشكورة حبيبتي شقاوة الله يكتب اللي فيه الخير وفكرة التحفيظ عجبتني مرة
الله يعين ويساعدني على اتخاذ القرار الصحيح
الله يوفقك لكل خير

[أم تيمو]

أهلين أمورة تواجدك أسعدني ونصيحتك بصرتني الله لايحرمك الأجر وأسأله تعالى أن يرزقك ماتتمنين
ويارب يوفقني للرأي اللي ما أندم عليه

أشكرك على النصائح مرة أخرى