بفسخ خطوبتي ومتحير كثير

[طلال7]

السلام عليكم ورحمة الله
اكتب إلبكم هذا الموضوع وارجوا تقديم النصيحة لي
تقدمت لخطبت فتاة لم تكن في بالي ولكن أقاربي
من باب المحبة عرضوا علي هذي البنت وعندما جاءت
النظرة الشريعة اعجبت بها اشد الاعجاب
ولكن قصيرة بعض الشي طولها حوالي 155 مع اني طويل
177 وصدقوني اني احاول اكنسل الخطوبة
خصوصا ان محددين الملكة في شهر 12
ارجوا منكم النصيحة اكنسل والا وش اسوي
انا في هم عظيم وتفكير كبير كلما اقارن غيرها من
النساء احسها قصيرة بس قلبي متعلق بها ولا ودي
اصدمها بخبر فسخ الخطوبة وخصوصا اذا كان هذا هو السبب
انا محتااج النصيحة كثيرا

[ج ـــلــنار]

عليكم السلام ورحمة الله وبركاته


حياك الله


أخوي المهم دين البنت وأخلاقها وتربيتها مو طولها وقوامها .. انا ما انكر انو كل هالاشياء مرغوبه

لكن والله يا أخوي ياما جميلات ورشيقات ما استمرت حياتهم الزوجيه بالعكس كانوا فاشلات

فإنت يا اخوي قبل لاتقدم على شيء استخير ربك مره ومرتين وثلاث ولاتظلم البنت بسبب شيء هي

مالها يد فيه وهذي خلقة رب العالمين ..


وتذكر انك لو تركتها وهي متعلقه فيك ممكن الله ينصفها منك ويرزقك بصاحبة الطول اللي تتمناه لكن


ماتعيش مرتاح معاها بعكس لو تزوجت هالبنت يمكن الله يسخرها لك وتكون سعادك معاها أكثر من غيرها

هذا رأيي يا أخو ي لانو كان المفروض رفضك لها يكون من يوم الشوفه مو بعد ما تحددت الملكه


لكن اذا كنت مره متردد فمثل ما قلت لك استخير ربك وان شاء الله ترتاح نفسك وتقرر القرار الصائب

والله يوفقك ويختار لك الصالح ياااارب


ينقل لقسم النقاش

[عذوبي]

هو 155 قصير لا وسط


بس مقارنه مع طولك اي


لكن اخوي لا تنسى المشكل يلي بتسبها لبنت غير حكي الناس


وانت تقول انك متعلق فيه اي تعلق هذا وانت تناظر اشياء مالها اساس


ولا قرار راجع لك حنا ما نقدر نقول لا حرام تزوجها


اذا انت بستطيع تحمل هذا الفرق من الطول ولا تجرح مشاعرها من وقت لاخر بعد الزوج


المراءه طبيعتها حساسه ما تحب احد ينقص من انوثتها


وصدقني الانوثها كلها في المراءه المتوسطه طولن


اتمنى انك ما تسرع في القرار وتظلم البنت


وانا ما عندي خبره كتير انشاء الله اخواني الاعضاء يفدونك

[♡ sαяσиα]

صعب نقرر عنك...؟؟
او نكون سبب في شي تندم عليه..

اذا الله كتب بينكم شي..
انتبه تقارنها بغيرها او تحسسهاا

استخير..
والله يكتب اللي فيه الخير..

[nazek]

وعليكم السلام والرحمه والبركه ...
اولا اخوي اانك تقارنها بغيرها هذا شي مو طبيعي لان المقارنه من الاساس يخرب تفكير الواحد والقناعه بما عندك هو احسن شي كلما قارنت كلما زاد همك في كل النواحي وفي كل امور الحياه مو بس بس هذي الموضوع والقناعة كنز لا يفنى والبنت مو بيدها تحدد طولها الله خلقها كده وما في احد كامل ..الكمال لله سبحانه وتعالى بعدين يأخد من جهة ويعطي من جهة امكن البنت القصيره عندها مواصفات ما تكون موجوده عند الطويله وهكذا انت كنت لازم تفكر قبل ما تتقدم لها واذا كنت حاط في بالك وحده طويله كنت تكلم اهلك يشوفوا لك وحده مناسبه لطولك قبل ما تتقدم لهذي البريئه بعدين اهم شي اخلاقها والجمال الداخلي والرأي الاول والاخير لك وحدك ..ألجأ للأستخاره وربك ييسر واتمنى لك التوفيق ..