من طبعي ارد الاساءة بالاحســــان

[بنك الحب]

من طبعي أرد الإساءهـ { بالاحسان }
وأساير ظروف الزمان اللعينه ..

وأطوف الغلطهـ من { أفلان .. وفلان }
يعني من أجل { عين } تكرم مدينهـ ..

الكامل الله والخطا طبع { الانسان }
والدرب يفرق عن يسارهـ ويمينهـ ..

و { الصـآحب } ا للي لـهـ معزهـ ولهـ شان
ان جاني بـشينهـ.. تذكرت زينهـ ..

اتحمل اخطاءهـ معي { قدر الأمكان }
من جانبي تبقى العلاقهـ متينهـ ..

واللي { يغلطني } وانا ماني بغلطان
اصابعي احطها { وسط عينه } ..

مادامني مسلم وفي قلبي إيمان
عمر{ البحر } ماشال هم السفينه ..

مرت علي { انواع .. واشكال .. وألوان }
بين { العقول } الناقصهـ .. والرزينهـ

عندي قناعه ان { الإنسان شيطان }
اذا يهينكـ { لازم } انك تهينـهـ ..

يعني اذا حاجتكـ { بيدين عدوان }
يكفيكـ شر المهزلهـ .. والغبينهـ ..

من{ كثر ماجاني } من الناس خذلان
تحرجني حتى كلمة { الله يعينهـ }

صحيح لي { ربع .. وجماعهـ .. وخلان }
وأضيق لكن حاجة الناس.. شينهـ

الشخص دام انه بكل شي{ خسران }
تأكد انهآ منعمايل { يدينهـ } ..

من مرحلة { حب .. ومشاعر .. وحرمان }
إن مالعنت الحب تلعـــنهـ سنينهـ ..

اكتب شعر واعزف من { اشواقي الحــآن }
واسلي قلوب الغرام الحزينـهـ ..

ولو الشعر مخلوق في { هيئة انسان }
والله لأقول له تسلم { واقبل جبينهـ }...~

[عذبة الأطباع]

رووووووووووووعه
سلمت الانامل اللي خطت احلى ابداع
نتظر روعة قادمك الراااائع والجميل بكل شوق
يعافيك ربي ..,

[ذيـــــ نجد ـــــب]

رووعه
اشكرك على جهودك الوااضحه
وتميزك الداائم

[ميمي التميمي]

تسلم أخوي على طرحك الرااائع .

ننتظر جديدك .

[بنك الحب]

ذيــــــــــــــــ نجد ــــــــــــــــــب
يسعدني مروركــــــــــ وردك على مشاركتي!!! ويطول عمرك يالغالي