ساعدوني بدعائكم؟

[روح الورد]

ارجوووكم اعطوني دعاااء يهدي اهل زوجي علي وربي راح انجن وربي بتجيني حاله منهم يارب تساعدني يااااااااااااااارب
والله مشاكلهم مالي فيها ارجوكم اعولي ان الله يهديهم تعبت منهم والله تعبت؟؟؟؟؟

[ج ـــلــنار]

هلا فيك حبيبتي

والله يالغلا ربك الهادي ... ومشاكل اهل الزوج لابد منها لكن نصيحه لاتحاولين تردين على اي شيء ممكن يجيك منهم بالذات أم زوجك أو أبوه حاولي تعتبريهم مثل امك وأبوك والله يالغاليه لو حطيتيهم بهالمكان ماتلاقين منهم الا كل خير ومهما حصل أو طال الزمن راح يرجعون لك ويعرفون قيمتك ويوقفون جنبك لو حصلك أي موقف .. خليها على ربك واصبري واحتسبي واكثري الاستفغار ومن قول حسبي الله ونعم الوكيل ولا تدعين على أحد لأن فيه ملكين تأمن على دعائك وتقول ولك بمثل اصبري وربك كريم وفرجه قريب

الله يفرج همك وييسر أمرك ويسخرهم لك ويجعل لك محبه في قلوبهم يااارب

[ميمي التميمي]

الله يفرج همك وكل مسلم .كلام أميرتنا عين العقل الله يحرسها .

هذا الدعاء تقولينه عند مواجهه اي شخص تخشينه .

اللهم يا مولى نعمتي وياملاذي عند كربتي وياأنيسي في وحدتي أجعل

نقمتهم علي برداً وسلاماً كما جعلتها برداً وسلاماً على سيدنا إبراهيم .يامغيث أغثني ثلاث مرات .

اللهم اكفنيهم بما شئت وانت السميع العليم دائماً كرريها .

الله يسخرهم لك ويكفيك آذاهم اللهم آميييين .

[نور الدنيا*]

الله يكفيكي شرهم واذاهم يارب ياغاليه والله العظيم اهل الزوج مشاكلهم ماتخلص بس الله المستعان بس

[أغ ـــانيج]

الله يفرج همك وييسر امرك

بوصيك بهالدعاء والله ما اذكر اني قلته بيوم ويضايقني فيه شي

سبحااان الله وكأنه كنز ولقيته جربيه بيقين مع الأدعيه اللي ذكروها الأخوات راح تفيدك بس ضروري شغلة اليقين بالأجابه والتوكل على الله

حسبي الله لا إله الأ هو عليه توكلت وهو رب العرش العظيم

قوليه سبع مرااات صبااحا وسبع مراات مساء راح تلاقين تغير عجيب حتى بنفسك
وترى المشاااكل شغله طبيعيه بالحيااه سواء من الأهل او من الزوج مع الوقت تبدا تخف اذا انتي ما كبرتيها تعلمي السكوت هذا فن لا يتقنه الا القليل تعلميه لأن اللي يضايقك ما راح يقدر يكمل اذا طنشتيه واذا كمل وانتي سافهته راح يحس انه شخص تاافه وانتي تترفعين عن مجاراته بحكيه
الله يصلح لك الحااال