يؤيؤه ياااا عمري
وربي اني بكيت على قصتك ....

اسمعي بقولك شي واتمنى ما تزعلين مني
تدرين انتي ليش ضاااايعه ..... لانك بعيده عن الله
بعيده عنه كل البعد
اسمعي الايه هذي وش تقول / (( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا ))

صدق الله العظيم ..

تدرين يعني وش معنى كلمة ضنك .... اول شي بقولك تفسيرها بالاحرف
حرف (ض)=ضيقة في الصدر وعدم راحة البال
حرف (ن)=نكد في الحياة
حرف(ك)=كدر في كل أمورك

وسئلتك بالله العلي العظيم .. هذي كلهاا مو في حياتك وتعشينهاااا صح ولا لا
لاتنكرين ... كلهاااا قريتها بقصتك
ضيقه بصدرك وكارهه نفسك واهلك ووضعك .... نكد بحياتك ... وكدر وزعل ومااانك راضيه بوضعك


خلاص اذن الحل بيدك ..
توووبي توبه نصووووح واتجهي لربك .... وخليك انسانه قويه ومهتمه بأمور دينك
ولا تغضبين ربك ....
واذا على حياتك الماضيه / خلاص شي واتنهى و الكلام في الفايت نقصان بالعقل
يعني من اسمهااا ماااااضي يعني شي ولاااا وراح

انسي ... انسي اللي تعرفتي عليهاااا وادعي انو ربي يشيله من قلبك
وانسي كل شي مر عليك مو حلوووو
وربي يعوضك على صبرك


وصدقيني من ترك شي لله عوضه الله افضل منه
وش تبغين بواحد اصلا موووووشريف وخريج سجون ..
وبعدين مو كل من سمعك كم كلمه حلوه صااار حنون ورمانسي
لا ياعمري
انا اقدر العب عليك واسمعك كم كلمه واخليك تموتين فيني << ههههه تراني فنانه

صدقيني لو هو ولد ناس ومؤدب ومتربي تربيه صالحه مااااا يسوي كذا ببنات الناس
وبعدين انتي قلتي بنفسك
انه يوم قلتي له زواج قال ابوي ومنصبه << وهو كذوووب بس يبي الفكه منك
ووقت مااااااصار طفشان واحتاج لوحده يلعب عليهاااا رجع لك
اصلا لو ابوه منصب ماا انسجن ... بس شكله دااشر وملعون جدف

شووفي ياا بنت الناس
انتي الحين عاقله وكبيره ومثل ما يقولون عقلك براسك وتعرفين خلاصك
كلامي اللي فوق لمصلحتك وانتظري وشوفي من معاي في المنتدى
اذا بتسمعين نصيحتي الله يوفقك وربي يهديك
واذا ما عجبتك انتي حره ... وتحملي وضعك الجاي ....
بس تذكري انه الانسان فينا في هذا الزمن قليل يلقى احد ينصحه للخير
وربي يعنيك ويصلح الحال ويرزقك بالزوج الصالح قريب بأذن الله


تحياتي لك
ورد الحربي

انا مع اختي ورد بكل اللي قالته ياقلبي احنا داخلين على رمضان الحين خليه بدايه حلوه لك ارجعي لربك توبي له ادعيه بوقت سجودك وبقيام الليل والتراويح وبكل اوقات الاستجابة انه يشيل حبه من داخلك وينزعه بس بقلب صادق وخااااااشع وبنية التوبة لله تعالي
صدقيني البنت مالها الا سمعتها وبالنسبه له هو واضح انه كذااااااااب ومليون كذاب مافيها شك ابد وبخصوص موضوعه كل الي بقوله قالته ورد يالبى قلبها
ولا يستاهل ياخذ من تفكيرك كل الموضوع انتي تعلقتي فيه بدون زعل من كلامه الحلو الي انتي محرومه منه ازرعي ثقتك بنفسك من جديد ولمي جرحك واسألي ربك الزوج الصالح الي يعفك ويصونك وابدأي حياتك من جديد بعيييييد عن الغلط ودرب الهلاك ابدأي بصلاتك حافظي عليها والجأي لربك قادر يفرج همك وييسر امرك ويرزقك الزوج الصالح اللي بيعينك ع نفسك وبينسيك كل شئ صدقيني الحب الحقيقي بعد الزواج
انتي جوهرة حاااااافظي على نفسك

انا مع ورد عسى ربي يسعدها .

السعاده الحقيقيه هي بالرجوع لله والتوبه الصادقه .

تذكري احفظ الله يحفظك ..

الله يستر عليك ويهديك ويفتح على قلبك لطاعته .

ورد الله يسعدها ما قصرت..
يااقلبي..انتي كان ناقصك حناان..ولقيتيه..مع شخص ما تعرفين عنه..
غير انه يكلمك وبس..وانتي يا قلبي ع نيتك..صادقه..وما تعرفين للعالم زين..
اغلب الظن انه كذااب ولعااب..تسلى..وتخلى..
وانتي ما احد يقدر يلومك..ضغوطك النفسيه اجبرتك على اللي سويتيه..
وما اقولك انسيه..ولا حاولي ..
هو اصلا نكره..مجرد خياال..وواقعك احلى واجمل..من انك ترتبطين بأمثاله..
الله سبحانه يبغى لك الخييير..وبيعوضك خيير...
هو بحياتك ولا شي..
لكنك اعتبرتيه المنفذ الوحيد لك بهالدنيا..
من كئابتك وهمومك ومشاكلك..
صدقيني انتي ما تحتااجينه..ولا لاي احد..
تحتاجين تقوين نفسك وثقتك.. وبس..
وتثقين بحالك..دامك مشاء الله..تعلمتي..
واجتهدتي..وثابرتي لييييييين الله اكرمك..وتوظفتي..
هذي لحالها تخليك ترفعين رااسك..
غيرك متوفر له كل شي ولا نجح..ولا عنده طموح..
وش تبين أكثر..زوج..
بأذن الله..
ربي كريم وبيرزقك..لكن..
صفي نيتك لله..وارجعي له..
انتي ما تماديتي بغلط.. ضميرك صااحي..وهذا المهم..
صدقيني انتي بس تحتاجين احد يوجهك للصح..
انتي فاقده للنصيحه..وللاهتماام..
واحنا هنا اعتبرينا اخواتك اللي ما ولدتهم امك..
صدقيني راح نسااعدك وندلك ع الخير..والصواب..
وما راح نتمنى لك الا اللي نتمناه لانفسنا..
وان شاااء الله انك تقبلين فينا اخوات ومحبين لك..

الله يسعدك وييسرلك أمرك..ويحقق لك كل اماانيك..
قادر كريم..