بموووت

[شخصية مجهوله]

بسم الله الرحمن الرحيم
أنا اللي طلبت مساعدتكم لأن زوجي خذ زوجته الأولى رحله قبلي..
ياليت كنت اعرف كيف اتصرف قبل واني لازم ما ازعل واتغلب ع غيرتي وارسله مسجات شوق..
بس أنا عرفت منكم هالشي متأخر..
رجع زوجي وما حسيت فعيونه اللهفه اللي تعودت اشوفها بس سكت لأنه أعتذر مني وشرح الاسباب مره ثانيه لي وتصافينا وكنت في فترة الحيض ف مرن 5 أيام وهو متلهف لي ويعلم الله ما قصرت معاه حاولت أمتعه بالبدائل الثانيه المطروحة فمنتداكم الرائع..
شوفوا هو جلس عندها 8 ايام ولي 8،
جاني فاليوم الاول جلسنا عند اهلي والثاني طلعنا نف ما وعدني بيمشيني سياحة داخلية بس فاليوم الثالث اضطرينا نرجع مدينتنا لأن خدامتنا وصلت ،
وبدأت من جديد المشاكل:111:
فاليل أول ما وصلنا قالي :111:فاليوم الثالث قالي "دخلي الأغراض أنا بسير البيت الثاني اتطمن عالعيال وبرجع ما بتأخر بس اشوفهم"
طبعا تضايقت أنا ما شفته 8 ايام بس الاتصالات كانت بينا وهي من ثالث يوم توله عليهم وساير يتطمن؟؟ليشششش
طبعا سامحته قلت معليه يمكن بس اليوم بس ظل كل يوم يروح يزورهم !!
أنا تضايقت لأن من وجهة نظري أشوف أنه(نفس ما ال 8 ايام اللي كانن حقها كان قربها هي وبس أنا من حقي ف الثمن ايام اللي لي يكون قربي ويشوف إذا كنت ابغى ازور احد فيهن أو اروح مكان وفي حالة أني ما بغيت اطلع عاد يقولي بيسير يشوف إذا محتاجين شي ويتطمن)
ومن وجهة نظره زوجي( أنه بما أنه موجودين فمدينتنا لازم يسير يتطمن على عياله)
أوك إذا حد بيوافقه الر أي أنا ناقشته بوجهة نظري وقالي "أنا ما اسير عشانها أنا اسير عشان اشوف عيالي"
بس تفاجئت أنه إذ1ا كانت هي خارج البيت تزور أحد من قرايبها ما بيسير البيت عند عياله لا لا لا بيسير من وين ما هي سايره:111:
و وايد يتصل فيها ويقولها مشتاق ومتوله:111:
حتى بعد ما اغتسلت والله نظفت نفسي تنظيف ولبست احسن شي عندي وهو يحبه وتزينت بس ما حسيته مشتهني من قلبه بس كان يبي يقضي شهوته ما يهتم أنا استمتع أو لا و ف آخر يوم عندي كنت متزينه بس ما لفت انتباهه ابد ابدا ابدا..
أنا تعبانه وايد وخبرته بهالشي حاولت اقنعه بوجهة نظري و خبرته أنه بزيارته لها فأيامي إهانه لي وهالشي محسسني أني كرامتي انهزت قدمها وقدام الناس خاصة انه الكل عارف شكثر كل واحد فينا اشكثر ضحى عشان نجتمع مع بعض..
فديته واللللله اموت فيه
احبه ما اقدر اتحيل حياتي بدونه
ما اعرف ليش فجأة تغير 180 درجة علي
خايفه تكون هي او حد من اهله عمله عمل لأن سبق وسووها في بداية زواجنا بس أمه ربي يجزيها الف خير انتبهت انه متغير حلت الموضوع بمساعدة أحد المشايخ ربي يجزيه الخير ومو مستحيل غيرتها أو حقدها علي تخليها تكرر هالخطأ..
تخيلوا مو مهتم بدموعي ولا بحالي ويقولي كله مستوي اناني بس يريدني اراعيه ..ويوم ناقشته أول مره يقولي كلام يجرح قالي" محد قالج تتزوجي واحد متزوج" "أنا ترا ما ملزوم اجي معاج فالنهار السنه تقول العدل فالمبيت بس " "بوصلك بيت أهلك واجلسي اسبوع اسبوعين لأ رمضان بطوله مايهمني" " خوزي عني ما طايقنج"
حتى لما قلتله "حبيبي أريد انام فحضنك تعودت كل ليلة تضمني ما اقدر انام بروحي وانت قربي"
تعرفووون شو قال "حوزي عني كما عندي حضن":111:
.
.
.
قلتله طلقني وقالي "خير ان شاء الله"
أحبه وعندي طفلين منه
ما اريد شي من هادنيا غير اكون قربه
انصحوني كيف اتصرف
خاطري اسامحه بس حاسه بجرح فقلبي وحاسه ان كرامتي انهانت بتصرفاته وكلامه
حد يقولي شو اسوي صرت حتى الاكل ما اشتهيه
أريد حبيبي وأبو عيالي

[نوااارة]

هلابك وحيااك اختي الكريمه

والطلاق مو حل

انتي كوني له الحنونه المتغااضيه على بعض امور

وحااولي لاتدققي ولا تفتشيئ

لو هو جاايك خليه مثل العريس وبدون اي مشااكل

ولا تثيري اي موضوع حااولي تتغااضي بااي طريقه

وادري انه صعب عليك بس اليوم هو متزوج وعنده وحده ثاانيه

عشاااان كذاا حااولي باكسبه واسعااده

المهم يومك يمر با سعااده وراحه ونبسااط

لو فيه اي شيئ مزعلك باكل حنيه واسلوب ذكي ودلع

عاتبيه عتاب خفيف او جبله طرق يعدل بينكم بدون زعل

وبينيله انك تبين العدل بدون اي زيااده

وحااولي تصبرين الضره مره

وتحملي عشاان يرجعلك وردلك احسن من اول

لاكن الاهم عليك باالرقيه اليوميه

وهو بعد ارقيه لو كان ناايم او ارقي في ماء

ودايم اسقيه منه عشان لو فيه سحر يبطله بااذن الله

والي عندهاا طبينه يبيلهاا تعدي وتطنش

وتفكر ان الاياام مراح تدوم يوم لك ويوم عليك

اصبري وماافيه زي الصبر والاحتساااااااااااااااب

ولاتشغلين بالك في احد اعملي الواجب عليك والبااقي وكلي امرك على الله

وعليك باالدعااااااااااااااااااء اخر اليل

ودعااء التسخير والدعيت الكرب والهم

والاذكاار اليوميه لاتفاارقك ابد

وبتوفيق ياااااااااااارب

[شخصية مجهوله]

جزاك الله خير على النصيحهالطيبه فعلا خففتي عني والله حالتي حاله
بس كيف ارقيه؟
يعني كيف اسوي رقيبه؟
وبسوي اللي قلتيه بتغاضى وبصبر وبرجع نفس ما كنت بس بصراحه مالي نفس انه يقرب مني بنية الجماع لأني احتقر نفسي واحس أني رخيصة لأني ما احس انه صدق يريدني
احس انه بس يؤدي واجبه كزوج
!!

[نوااارة]

الله يريح قلبك ياااااااارب

الرقيه الشرعيه معروفه اياات قرانيه تقرائينهاا في مااء او زيت

وتنفثين فيهاا

اما تحسي حالك رخيصه هذا شعور غلط وبيخدم التاانيه

لالا شيلي الفكره من راسك

وحااولي تنسين انه متزوج وضغطي على اعصاابك

عشاان يرجعلك ويحبك

الاهم يحبك وحسك احسن منهاا

ويعرف قيمتك

[وحشتني الذكريات]

ماقصرت اختي نوراه الله يجزاهااا خير كفت ووفت

الله يعينك يا اختي ويسعدك دنياا واخره