حبي وعشقي لزوجتي صار كرها بسبب افعالها

[احبك عزوزتي]

السلام عليكم. أولا أشكر القائمين على هالمنتدى وأشكر جميع الأخوه الاعضاء. والمعذره ماحصلت إلا هالمكان لاأطلع شئ بصدري. أنا شاب متزوج من سنه وأبلغ من العمر 26 سنه وأنا رجل رومنسي وأحب الدلع المهم زوجتي كنت أحبها وأعشقها لدرجة الجنون وكنت أحب أدلعها وأعطيها ولا ابخل عليها بشئ حتى لحضت الجماع أعطيها حقها وأكثر وأحاول دائما إداريها ولا أبغى أزعلها ولكن هي صارت تبعدني عنها ما أشوف منها ولاشئ يعني أنانيه تأخذ ولا تعطي ؤعينها دائم زائغه وصارت ممله لدرجة أنها تسمعني كلام يجرح وتتعمد جرحي وأنا خلاص صرت أكرها والمشكله أنها دائما تنصحني لصلاه وتحاول تبعدني عن الدخان وكنت أشوف مافي أفضل منها في العالم وفي الأخير جتني الصددددددددددددمه تقولي أنها شافت مقطع سحاق. وأنا الود ودي أطلقها بس ألمشكله أنها حامل فتكفون يأهل الخبره ساعدوووووووني وأعطوني نصبحتكم. أنا كرهتها

[ج ـــلــنار]

عليكم السلام ورحمة الله

هلا فيك أخوي

بالنسبه انك تعطي زوجتك وماتقصر معاها فهذا شيء يُحمد لك وتشكر عليه

لأنه من شيم الكرام وقبل هذا .. هو من أخلاق المصطفى صلى الله عليه وسلم

لكن يا أخوي بما ان توكم بادين في الحياه الزوجيه فهذا اللي قلته شيء طبيعي

أولاً _ زوجتك تعتبر لساتها عروسه وتتدلل ويمكن ماعندها الخبره الكافيه أو الفهم

الكافي اللي يخليها تعطيك مثلما تآخذ منك .. يعني في هالحاله يصير العتب عليك انت ..!

انت علمها انت فهمها وش المفروض تسوي وش انت تبغى منها وش تكره فيها

يا أخوي البنت تطلع من بيت ابوها وهي ماتعرف عن الزواج الا انه لبس ومطاعم

وخرجات ودلع .. مهما كانت فاهمه فترى فهمها محدود يعني ماعمرها فكرت انو

مسؤوليه وانها لازم تكون مسؤوله عن كل شيء بالذات عن احتياجات الزوج الخاصه

خاصةً بنات هالجيل والله ماهم عارفين عن الزواج الا انو اللي ذكرتهم سابقاً ..!!

يا اخوي بالله ليه الله فضل الرجل على المرأه بدرجه الا لأن عقله اكبر استيعاب وفهم

من عقلها وهو دائما صاحب الحكمه والمعرفه والنظره البعيده و...و ......... إلخ

يعني يا أخوي اذا حكمت على زوجتك من أول سنه أو سنتين أو حتى خمس سنين

تأكد انك ماراح تعيش مرتاح مع أي امرأه أبداً ..... الرجل يوم يتزوج إمرأه لابد ان

يفهم انو يربيها مثلما يربي الطفل يعني اما انك تكون مربي صالح وتربيها صح

وإما انك تفشل وتتراجع وتجني ثمرة فشكلك اما بالطلاق أو بالخذلان لاقدر الله

يعني يا أخوي خلك حكيم وصابر وعلم زوجتك وش تبغى منها بكل هدوء وعقل

لأنك لوما علمتها ودربتها انت ماراح تعرف وش في خاطرك ... الصراحه بين الزوجين

مطلوبه .. والتعليم لابد يكون معاه صبر عشان تجني ثمرة هالصبر ... والحياه الزوجيه

السعيده تعتمد على الصبر والتغاضي في كثير من الأمور

بالنسبه انها قالت لك انها شافت مقطع سحاق فخير ياطير ؟ النت والبلوتوث والبرود

كاست و... و ... ماخلا شيء الا وجابه ..!!!

يعني يا أخي زوجتك ماارتكبت جريمه ولاسوت مصيبه الحرمه شافت شيء وقالته لزوجها سترها

وغطاها ..!! واحمد ربك انها تكلمت معاك عشان انت تقدر توجهها وتعلمها الصح والغلط

والحمدلله ان البنت فيها خير وتحثك على الخير وهذا أكبر دليل ان البنت بريئه ومالها في الخرابيط

باين على البنت صغيره او مو فاهمه أو انها انصدمت من اللي شافته ومالقت غيرك

تفضفض له وهذا اللي احنا كلنا نسويه على ان لنا سنين متزوجين لكن برضه نرجع لأزواجنا

يفهمونا ..!!!

يعني ياأخي هذا هو الاختبار الأول لك انت ... هل انت تقدر تربي طفلتك صح والا لأ ؟

اتمنى تهدي اعصابك وتتعوذبالله من الشيطان الرجيم ولاتخرب حياتك بأشياء بسيطه

انت تقدر تحلها بكل بساطه .

أعتذر ع الاطاله

والله يوفقكم ويسعدكم ويبعد عنكم كيد الشيطان يااارب

[مرافقةالأمـل]

يعطيك ربي الف عاااافيه يا اميره كلااااااامك عين العقل ,,,
انا مع اميره افهم كلامها نقطه بنقطه وطبقه وربي يسهلك تحل مشكلتك يااارب,,,

[نوااارة]

وانا مع اختي اميره كلامهاا عين العقل



ومع الاياام بتفهمون بعض اكثر

والله يهدي سركم ياارب