السلام عليكم ورحمة الله وبركاته

شلونكم يا حلوين عساكم بخير
اليوم وبسبب حكم الي صدر بحقي اني اسوي لكم اكله خاصه عساها تفيد البنات المتزوجين وتعاونهم على كسب حب ازواجهم .. الاكله هذي وحده كانت تحب زوجها وتموت فيه واخترعت له هذي الاكله حتى يرضى عليها ويروح يسولف يم ربعه ان حرمتي سوت لي هذي الاكله وكانت حرمته تخيلوا قبل 4000 سنه مدلعته وتوكله بيدها وكانت كاتبه المكونات على حجارة قبرها حتى محد يسويها في حياتها ..
الاكله الي راح اعطيكم طريقتها اعتقد عمرها تجاوز الـ 4000 سنه كانوا يعتبرونها اكلت الحب مع انها ما تمد للحب بأي صله ... مشكله هذي الاكله ان 80 % من مقاديرها انقرضت بسبب الطبيعة لكن بالتطوير وجدت بدائل قد تغني عن تلك المكونات خصوصا ان البهارات الي كانت تظاف عليها اختفت ومحد يعرف كيف يستخرجها :
مثل . شنب النمله و قذلة الفيل و اذن الحية وبراطم الهوى كلهم انقرضوا خصوصا براطم الهوا هذي للحين يقولون موجوده بس ما اكتشفوها ... المهم
نبدي بالمكونات المعروفه والاساسيه
1- سمكة كبيره هامور ينفع بس لازم تكون سمينه
2- ثلاث اكواب رز مطحون وصاير مثل الدقيق
3- ليمون مجفف الي شكله اسود مدري شيسمونه <<< حقوق النشر شموخ
4- ملعفة صغيره من شنب النمله والي حل مكانه الزعفران
5- ملعقه صغيرا زنجبيل مطحون
6- ملعقة صغيرا هيل مطحون
7- ملعقه صغيره جدا فلفل اسود
8- قطعتين من قذلة الفيل والي حل مكانهم دارسين ( القرفه ) خشبتين منهم بس
9- كم حبة اذن الحية والي حل مكانهم القرنفل
10- ملح باليود
11- براطم الهوا والي اكثر المكتشفين بعلوم الطبخ بعد ما اصابهم الملل بأكتشاف براطم الهوا توصلوا على ان زوجته من كثر حبها له تسميه براطم الهوا لان كانت حاطه هذا المكون بين قوسين وبجنبه بوسه هم قالوا ممكن تقصد هي ان الاكله هذي ما تلوق الا لبراطم زوجها الي هو هواها والله اعلم
طريقة التحظير حتى تعيشون الاجواء صح لازم تتهاوشون مع رجولتكم هوشه قويه حتى من يرجع للبيت يلقى الاكله ويصير يحبكم موت وانتم بعد حسسو ازواجكم بأنهم براطم الهوا .
1- تنظف السمكه بشكل كبير وبالسكينه اعملوا تشققات في اطرافها حتى توصل الحراره لداخل السمكه
2- الليمون المجفف الاسود ينطحن وينخلط مع الملح وينرش في داخل السمكه
3- الزعفران والزنجبيل ينمزجون بحث ترطبينهم بماي وبيدك تحشين السمكه من الداخل كأنك تدهنينها
4- نسيت ما قلت لكم اضافة الخل بزيادة ومن بعدها تضيفون الكاري وترشونه على جميع اماكن السمكه
5- تقطعين ثوم وبصل صغار وتحمرينهم على النار لحالهم وبعدين تصبينهم على السمكه
6- تضيفين الهيل المطحون على السمكه
7- تجيبين الرز المطحون وتعجنينه مثل عجين الخبز وبعدين بالعتله ما اعرف اسمها بس هي تفرد العجينه وتسويها اسطوانيه دائريه
8- تحطين الفلفل الاسود وترشينه على جميع مناطق السمكه
ومن ثم تفتحين الفرن بدرجة حراره هادئة وتخلين عجينة الرز على بطن السمكة وتدخلينهم في الفرن وتنتظرين لين يجيك براطم الهوا وكل شوي تشوفينها وتشيكين عليها
طبعا راح يصير طعمها غير خصوصا اذا تشققت بزيادة ودخلت المكونات داخل اللحم وراح ينزل زيت السمكه ويحمر الخبزه الي معموله من رز وراح تصير حكاية الف ليله وليلة
تسوين السلطه الحامضة الي فيها خل وليمون وبصل اخضر
طبعا المشروبات الي تجي معها كانوا في الاول يشربونها مع الخمور والنبيذ ههههههه الله يكفبنا الشر امزح
اشربوا من بعدها شاي ثخين وعيشوا مع براطم الهوا

*الموضوع مطروح لكم الانتقاد في هذا يفسد في الود قضيات كما اني غير مسؤل في حالة عدم اتيان نتائج ايجابيه من ازواجكم يعني ممكن هذي الاكله تقطع جميع حبال المودة بينكم هي على ما اظن ضبطت مرتين وبائت في الفشل 3990 سنه لذا اللهم اني بلغت اللهم فشهد ههههههههههه

تحياتي لكم