سواليفك مطر والعرق بكفك عطر‎

[بنك الحب]

تسألني : تحبيني ..؟

" قلت غريبة " |

و ماقدرت أحكي !
لأن الحب ، مو كلمة
يغنِّي فيها كل لسان ..!
حبيبي الحب هو
( إحساس )

حضن دافي
أمل وافي
ونظرة تحرّك الوجدان ..!

نبض طاهر ،
صدق عاطر
و( قلبين )
فْـ جسد إنسان !

ضمّيني حبيبتي ..

ضمّيني موت وحياة ..!!

عطيني من أنفاسكـ عطر ..

وتمتمـي بحرفين شوق ..

وأنت ذوقكـ بالهوى
من جدّ ذوق ..

ودي أشرب ..

الظما يجرح لهاتي ..

وسال دمّي من شفاتي ..!!
يا غناتي ..
مابقى بالكاس صبر ..
ولا بقى بالقلب ما يقوى عليه ..

لمّيني ..
جمعيني ..
انتفضي مثلي وله ..
خلّني أحسّ إنّ الهوى يحفر عروقكـ ..
خلّني أذوق الموت في لحظة أذوقكـ ..!!
حرّكـ شفاهكـ شويّ ..
خلّني أكتب قصيدة ..

قولي كلامكـ ..
وإن قضى حكيكـ أبي تكفى تعيدهـ ..!!
وخلّ أقولكـ شي ..!!
يمكن إنّه عند غيري شي عادي ..
بس في قلبي كبير ..!!
ويمكن إنّه عند غيري بس كذبة ..
بس أنا عندي حقيقة ..
تدري وش هو ..؟؟

وربّي اللّي كوّن الكون الكبير ..
إنّ غلاكـ اكبر شويّ ..
وإنّكـ بـ قلبي شمال ..
وإنّكـ بـ عقلي خيال ..
وإنّكـ بـ دمّي دلال ..
وإنّكـ بـ نبضة وريدي كلّ شي ..!!
وإنّكـ حروفي بـ قصيدي ..
وإنّكـ الضّحكة بـ عيدي ..!!
وإنّكـ أحلى من سنيني ..
وإنّكـ أقرب من شراييني لقلبي ..
وإنّكـ إحساسي وشعوري ..
وإنّكـ النّاس بـ عيوني ..
وإنّ سواليفكـ مطر ..
وإنّ العرق بكفكـ عطر ..
وإنّي أقهر فيكـ شمس الصباح ..
وأغيض القمر

[3hd]

الله الله عليك بـــنـــكــ ال حب
صح لسانك
ارتويت شعراً بهذا النص الشامخ
تصوير اليم و حبكه مجنونه
سُرعان ما جعلتني اهتم بحرفك
بِ أنتظار هطول قادم لِ نُحلق في سمائك
لنرتوي شعراً و نستمتع بهدير حرفك


ودي ..

[الـ ع ـنود]

[align=center]لوقع الكلمة صدق ..
ولجمال اللغة لحن ..
ولتألق كلماتك عبير بشذى آخر ..
وخيال ألهم أفكاري وأوقد مخيلتي ..
سيدي الشاعر ..
روعة هي حروفك
أكسبت كلماتك الجمال ..
لا خلا ولا عدم ..
وصح لسانك مليووون ..
دمت بخير
[/align]

[ميمي التميمي]

كلمات في منتهى الروعة
أخي بنك
سلمت وسلمت يمينك على روعة الاختيار
مشكووووور ويعطيك العافية
تقبل مروري وتحياتي
على الخير نلتقي

[البااارونه]

بنك الحب
للابداع خيوط تتدلي من متصفحك
فالسطور هنا حملت اجمل التعابير
فكم راق لي التجول هنا
والاستمتاع بمعانيك المميزه
قراتها فراقت لي كثيرا
فاحببت السكن بينها
لما وجدته من جمال
المعاني الساكن هنا
فكل الشكر لك
علي هذا البوح الراقي
دمت بخير