نبي نصايحكم وشوركم بمشكلة اخوي هل له ذنب بالي حصل ولا لا

[خايفه على اخوها]

سلام عليكم كيفكم يابنات
محتاجين مساعدتكم حيل حيل
عندي اخوي تعرف على وحده عن طريق الشات و تطورت العلاقه وصار فيها
حب ومكالمات والخ المهم
مرت فترة 8 شهور وهو يكلمها فاجئ دق عليه واحد كان اخوي نايم يقول انه رد عليه يقول سمع رجال يصارخ انا طلقتها وراح اخذ حقي منك وهي ضحكت عليك وعلي اخوي يقول كنت احسبه واحد يستهبل لانها ماقالت لي انها
متزوجه ولا قد جابت طاري يقول بعدها طنش الموضوع فاجئ اختفت البنت
لاحس ولا خبر صارت تجيه رسايل تهديد بالقتل والخ
اليوم ارسلت وحده رساله تقول اختي قبل لا تموت قالت لي قولي له الله لايوفقك لا دنيا ولا اخره وانه بياخذ حقي منك اخوي منصدم يحلف انه ماسوا لها شي ولا قد قرب منها ولا ذنب له اذا هي ضحكت عليه
نبي شوركم هل له ذتب بالي صار مع انه عقل وتاب وحلف ماعاد يكلم بنات
هو اول مره يكلم وطاح بالمجنونه هذي
علموني وربي حيل خايفين على اخوي وهو من النوع الي مايخاف
حاولنا معه قفل جوالك يقول ماراح اقفل انا ماسويت شي
تكفون مساعدتكم وشوركم
وهو عقل وحلف انه ماعاد يسوي كذا مره ثانيه انتظر منكم الرد الي يطيب
الخاطر :111::111::111::111::111::111:

[الرايس]

النداء موجه للبنات ساعدنها يابنات .

[خايفه على اخوها]

وينكم يابنات وياشباب الله يخليكم ساعدونا لا تبخلو علينا لو بنصيحه :111::111::111::111::111::111:

[الرايس]

أختي الكريمة:
المعلومات عن الموضوع ليس مكتملة حتى يستطيع الأعضاء المساعده في هذه المشكلة
هل اخوك يعرف البنت وعائلتها ؟
هل اخوك لايعرف البيت وعائلتها ؟
هل الذي يهددون أخوك معروفين أومجهولين
أرغب التوضيح اكثر وأبشري بالمساعدة
أسأل الله لكِ التوفيق

[خايفه على اخوها]

لا مايعرفهم بس تعرف عليها عن طريق الشات
على انها بنت مهي متزوجه و جلسو مع بعض فترة 8 شهور
رسايل التهديد بالقتل من اخوانها بعد ماكتشفو انه تكلمه
بس بعدها بفتره دق زوج هالبنت قال حق اخوي انا عارف مالك
ذنب وان هي الي كانت تدق عليك وانه اكتشف خيانته مع شباب
غير اخوي بس الي مجنني الحين انها جالسه تدعي على اخوي
وانه ياخذ حقها منه ابي اعرف وش هالحق الي تتكلم عنه واخوي
ناب عقل حلف انه ماعاد يكلم ولا عاد يحط عينه بنت ولا غيرها
وامس دقت اختها تقول لازم اخوك يجي لبيتنا ويعتذر احسن مايذبحونه
قلت له اخوي مهو رخمه يسلم رقبته لكم لو اخوانك اذبحو اختك
كان اختك مادقت على اخوي قبل اسبوع وسكتت وقفلت الخط بوجهيي
الحين طالبه مساعدتكم اخوي هو وحيدنا على ست بنات امي منهاره
وخايفه عليه الله يخليكم ساعدونا علمونا الغلط من مين وكيف نحل
هالموضوع للمره ثانيه اكتب لكم تكفون