صدمتي في زوجي

[الطرحة]

السلام عليكم ورحمة الله وبركاته ... راح ادخل في الموضوع على طول وابيكم ترشدوني للحل

بداية انا متزوجه من 26 سنه وعمري في نهاية الأربعينات وزوجي في الخمسينات ولم ننجب اطفال والسبب لان زوجي عقيم ولكن من مميزاته انسان محترم جدا وخلوق جدا والكل يحترمه وخاصة اهلي وكلمته مسموعه عند اهله وخريج جامعي مركزه مرموق في مقر عمله وكريم معي ومايبخل علي في شي وماعتده سوالف ولا خرابيط مع النساء .. امس اخذت البلاك بيري مال زوجي وقعدت اشوف بغيت اخذ الصور من عنده ولكن شفت مسنجر له مع وحده وكلام حب وغزل هني انفجرت وواجهته وكانت صدمة عمري ... وصار بيننا جدال ونقاش حاد وهو ينكر ويقول ان هذا صديقه ويمزحزن مع بعض وجبتله المصحف وحلف عليه بان هذا صديقه وهم يمزحون مع بعض وانه لايكلم بنات ولا يعرف اي وحده غيري في حياته ودعى على نفسه بالموت لو كان كاذب وقلتله لايكون انتوا شواذ ونفس الشي حلف ع المصحف بانه لاهو ولا صديقه شواذ ولا بينهم اي شي مما حرم الله وهم كانوا يمزحون فقط ... مادري والله انا محتاره اصدقه ولا لاء .. شوروا علي قبل لا يخرب بيتي ارجوكم ... هو طول اليوم يحاول يرضيني ويحلف لي بس الشك دخل قبي ...الله يعافيكم ردوا علي بسرعه

[ذيـــــ نجد ـــــب]

ياختي الفااااضله زواجكم له اكثر من ٢٠ سنه وعااارفه اخلاق زوجك
وتمدحين بانو رجل محترم وفاااضل والكل يحترمه
هاذاكفيل انك تنسين وتصدقينه وتعدين له
وباين الرجال صادق يحلف ع نفسه بالموت وقاعد يراضيك

اختي لاتخربين بيتك مع زوجك

[الطرحة]

اشكرك اخوي على الرد .. بس شاسوي غصبا عني ساعات اصدقه وساعات لا وطول اليوم صياح والتفكير ذبحني ... مادري من وين جاتني هالمصيبه .. يعني انتوا يالرجال ممكن تمزحون مع بعض بالطريقه هذي ... جاوبوني الله يعافيكم

[ميمي التميمي]

الله يهديك ياقلبي انتبهي من الشك لا يدمر حياتك هو حلف لك بالله وحلف ع المصحف

انسي الموضوع وعيشي حياتك صدقيني لو كان له حركات مستحيل بيخلي جهازه


بيدك اقل شي بيحط رمز ..

حبيبتي الرجال مع بعضهم يسووون اشياء كثيره ويمزحون لهم جوهم الخاص

حبيبتي احسني الظن بزوجك بعد هالعشره والصبر والتحمل تهدمي بيتك وحياتك

لا ياقلبي انسي وسامحي ولاتعيديها قدامه ولو بعد فتره هالشي يضايقهم

انسي وتابعي حياتك وصدقيني ما دام حلف ويحاول يرضيك إن شاء الله انه صادق

الله يسهل امركم ويسعدكم يارب .

[الرايس]

أختي الفاضلة:
الرجال يمزحون مع بعض على حسب الثقة التي بينهم والمونه على بعضهم
الكل عارف أن صديقه مايزعل والثقة بالنفس موجود والله أنا أعرف رجال ثقه
يمزحون مزح والله الأنسان اللي صدره ضيق مايتحمل مزحهم..
أختي أنصحك لاتهدمين بيتك والرجال أعتذر لك ويراضيك كل يوم ويحلفلك
أما مايخص عدم الإنجاب يوجد علاجك انتي وزجك في مستشفى الدكتور سليمان فقيه بجده انا اعرف صديق
لي وزوجة نفس حالتكم وتعالج في مستشفى الدكتور سليمان فقيه بجده
ولآن معهم والد ماشاء الله تبارك الله
أسأل الله لك الهدابة ولزوجك الصلاح ويرزقكم الذرية الصالحه.