تكفزن انصحوني أبدمر نفسي !

[ريشه خضراء]

:v9v9net_040:

السلام عليكم ورحمة الله وبركاته
كيفكم ياالطيبين :msn-c8f54a4780:

تكفون فزعتكم :111:

مشكلتي :
( أنا ماأعرف كيف أفهم نفسي ! اممممم يعني أنا أحب زوجي بس مو مره مره
وأحس إني أغار عليه بقوووه لدرجة اني أشك فيه وفي تصرفاته وفي أفكاره حتى أيام أشك في نظرة عيونه وش يقصد بذي النظره وزي كذا, يعني عندي أفكااااار سلبيه أتوقع أتوقع ليس لها صحه وأيام أقول لأ هذي أفكار صحيحه!!

بوضح لكم أكثر مثلا إذا أرسلي رساله على جوالي أقول من يقصد فيها
طبعا لأن رسايله ششششوي حب وغزل وأكثرها فراق يعني اذا غبت عنه يرسل تذكرتك و مشتاق والفراق صعب لدرجة اني احس اني غايبه عنه سنه وهي بس يوم او يومين أهااااا مافهمتو علي صح بتقولون شي عادي, طيب هو ليش مايتفنن في رسايل الحب ويكثرها لأن هي الأساس , بالعربي اغلب واكثر رسايله عن الفراق والغياب والبعد, وأزيدكم بعد اكثر شي يسمع في السياره شعر حزين وآهآآت وفراق وطول غيابك ياحبيب الروح وهكذا ,
مربط الفرس هنا اللي هو
أنا أظن و أحس ان عنده معشوقه أ و حبيبه سواء من أيام الطفوله او المراهقه !
الزبده هنا أنا مو قادره أرتاح معه وهذي الأفكار تطاردني وتقهرني في نفسي يعني أنا نسيت كل اللي وراي وحبييييته وأخلصت الحب له طيب هو ليش مايسوي مثلي ويخلص الحب لي !

آآآآآآآه أبي نصايحكم لي وشوركم علي وترى نفسيتي تعبااااانه وانتم اكيد تعرفون ان الغيره تقطع القلب :aa_mad[1]:

س/ هل ظني فيه صحيح هل فعلآ يفكر بغيري أو هذا من كثر حبي له غرة غيره زااااايده ؟

أنقذوني :v9v9net_040:

[ج ـــلــنار]

عليكم السلام ورحمة الله وبركاته

هلا فيك أختي

بصراحه استغرب من انك تقولين احب زوجي بس مو مره ..!!

اشلون تجي ؟ هو ياتحبيه وهذا اللي أحسه أو ماتحبيه لكنك صابره عشان عيالك أو عشان مغصوبه عليه أو عشان أي ظرف ثاني ..!!!!

شوفي ياغلاي انتي واضح انك تحبين زوجك حب جنوني لكن الغيره والشك والتفكير

السلبي هي اللي خلتك تحسين انك ماتحبيه أو ان حبك له مو ذاك الزود ..

بالنسبه انو يسمع شعر حزين أو يحب نوع معين من الشعر فهذا مو معناتو ان له عشيقه ولساتها بباله ..!!
يالغلا الشعر تذوق وهوايه وكل انسان له ميول معين فيه
يعني من الناس اللي يحب الشعر الحزين ومنهم اللي يحب الشعر الفصيح ومنهم اللي يحب النبطي و ... و ...و .. الخ
يعني ياغناتي الدعوى هوايه وميول لا أقل ولا أكثر

بالنسبه انو مايرسلك رسائل حب ورومانسيه فهذا ما اعتبره مشكله
لأنو يرسلك بدالها شعوره في غيابك وانتي قلتيها قلتي انك تغيبي عنه يوم يومين وهو يرسلك رسائل شوق وهذا من وجهة نظري دليل على ان بعدك عنه يضايقه أو يتعبه وهو بهالرسائل يوصلك شعوره واللي بخاطره بطريقته ..!!

شوفي ياغلاي دامك تبين النصيحه فمعناتو ماراح تزعلي من الصراحه ان شاء الله ... اللي تحسي او تفكري فيه كله وساوس شيطان عارف بحبكم لبعض ويبغى يفرقكم بتفاهات ما أنزل الله بها من سلطان
يعني ياحبيبتي اكسبي زوجك واحتفظي بحبه لك ولاتخلين هالافكار الشينه تسيطر عليك وتخليه يكرهك .. ولو كان على قولتك عنده حب قديم أو حتى جديد فحاولي انك تنسينه اياه بلباقتك وحفة دمك وبتقربك له وبيان حبك الشديد له وتهيئة الجو المريح له مو تخلينه ينفر من شكك ويحن أو يفكر في غيرك ..!!
حبيبتي لاتخلين هالافكار تسيطر عليك وتعميك الرجال قاعد يوصلك حبه بطريقته الخاصه وبأسلوبه الخاص يعني ياتفهمي اسلوبه بظن حسن والا راح تخربي بيتك بيدك لاقدر الله والسبب شكوك وساوس مالها أي داعي .

اسأل الله لكم السعاده وان يكفيكم شر الشيطان وكيده

[ريشه خضراء]

الله يسعدك في الدنيا والآخره يا جلنار
بصراحه ردك خفف همي وكلامك عين العقل
لاكن كيف أتخلص من هذي الأفكار كيف أقدر أغلب نفسي وأقول لأ مو قصده !!!!!؟

مرورك نور الموضوع

[سلطااانه]

هلا اختي"
اكيدقد صارمعاكي موقف معاه والاماكان هذه تفكيرك فيه خير الامور الوسط كثر الشك مرض ويقتل والي يزيد عن حده ينقلب ضده اتعوذي من إبليس والله يالف قلوبكم ويهدي بالك**

[ريشه خضراء]

يسلمو ياسلطانه عالمرور
يمكن صار موقف لاكن يمكن تفسيري له غلط :bur2: