ياخسارة ما كتبته فيك من شعر‎

[بنك الحب]

مـن يقـول انـي بهجـرانـك شقـيـت
واني من صدك تعبت من الصبر


ومـن يقـول انـي مـن اسبابـك شكيـت
صعب قلبي في غيابك ينتظـر


لا تصـدقـهـم تـــرا والله نـسـيـت
وقلبي اللي خابره قبلي قـدر

ذاك أول لابـعــد قـلـبـك سـريــت
مع سحاب الهم وانواع الكدر


كنـت احبـك كنـت لـو تبكـي بكـيـت
تطلب اعيوني ولك عمري مهـر


كنـت لـي فرحـي ولـو حتـى خطيـت
امسح الزله وابادلك العمـر


ولا حظـر طيفـك نسيـت انـي عنيـت
وان بعدت شوي يذبحني القهـر


لكـن انـت الـلـي تكـبـرت وعلـيـت
والغرور اعماك من فوق الحـدر


غيـروك الـنـاس والظـاهـر نسـيـت
اني من اجلك تعلمـت الشعـر

مـاهـو بكيـفـك اذا طـولـت جـيـت
تحسبني بنتظـر كـل الدهـر


راح حـبــك ياحبـيـبـي وانتـهـيـت
وماتحركني لـو حتـى تمـر


وفـي صـدودك لا تحسبـنـي شقـيـت
لا وربي لا هموم ولا سهـر


مـا أذل القلـب لأجلـك وانكـسـر
وما يحـرك ساكنـي مثلـك بشـر

أنت رمشه من عيونـي لـو تطيـح
وش ترى صاحبها لو طاحت خسـر

غلطتي من جيـت أشكيلـك ظمـى
كنت أحسبك بالنظـر أعـذب نهـر


غرنـي موجـك ولكـن لـلأسـف
كيف بشرب وأنت يـا مالـح بحـر


عزتي أغلى مـن قلـوب وجـروح
وإن جرحني الوقت صدق ما أنكسـر


ضربتي مـا تكسـر إحساسـي أنـا
ضربتك بالعكس قوت لـي الظهـر


مستعد أمشي على نـار مـن شـوك
الا دربك أرفضه ولـو هـو زهـر


ما هو من بـادل شعـوري أعشقـه
وما هو من طال السما أصبح قمـر


لو هو كل من حبني أصبـح محـب
مابقى في الـوادي صدقنـي شجـر


أفضل أنـك تبتعـد عنـي وتـروح
لا تحـاول لا ولا تعـيـد النـظـر


لا تفكـر تشـرب بكـاس الـهـوا
وشلون تشرب وصل كاسك انكسـر


يا خسارة مـا كتبتـه فـي هـواك
يا خسـارة بيـت وقصيـد وشعـر


غلطـة منهـا تعلـمـت الكثـيـر
علمتنـي غلطـة الشاطـر عـشـر


انتهـى مشـوار حـبـك انتـهـى
والأ مل ويـاك مـا عنـده صبـر

[تملكني غلاك]

ابداااع يامبدع يعافيك ربي

[بنت الحجازز]

سلم الله لسانك يامبدع على زين القوافي اللي نثرتها ..

[بنك الحب]

هلا وغلا بك اختي تملكني على المرور

[بنك الحب]

الله يسلم عمرك على بنت الحجاز على الطلة