السلام عليكم ورحمة الله وبركاته



مني ســــلام وشوق وحساس وشعـور
من قلب صادق يا هوى الروح وأهديه

أنتي هوى قلـبٍ بطريـاك مســــرور
وأهــديك باقـــة ورد بالرفـق جانيــه

من مزرعة حـبٍ له أغصان وزهـــور
ونبـع الــوفاء والطيب والصدق يرويـه

أرضــه حـنــان وطـلـعتـه تشتعـل نـور
وبين الضـللــوع وداخــل القلـب طاويـه

يا الله عسى ما يحصل بشعري قصور
تستاهــلين الــحـب إلـك حــق نـوفـيـه

في داخل عروقـــي لكم سير ومـرور
صــوتك يـهــز القلب والهمـس يلويـه

صحيح أنا من حــب إلك صرت مبهور
حــبٍ تمـكـن داخلـي صــرت أقاسيـه

بنيت فــي قــلبي لـكـم ســبـعـة قصـور
قصــر الــوفاء والطيب والفخـر بانيـه

وقـصـر الغـلا والحب والشوق معمور
وقصر الغــرام الله مـن الحسد يحميـه



موفقين بإذن الله ... لكم مني أجمل تحية .