نصيحه للمبتدئين بالحديد

[ما علموه]

سلام عليكم

القصة ومافيها ان بزران الثانوية والمدرسين الفاهين يتسلطون على الاندية برمضان ويضايقون المشتركين الاساسيين خاصة ( صالة الحديد ). علشان كذا لازم نشوف لهم حل او مكان يضفهم بدال ما يضيعون فلوسهم علشان اشتراك لمدة شهر حتى انه ما يقدر يكمله ( ضعيف الاراده ). ترى فيه شي اسمه ممشى يتمشون ويقزون فيه الله يشغلهم مسببين زحمه على الفاضي .

الشي الثاني نادي بدي ماستر فرع السلام هذا عزيز على قلبي الصراحه عشرة سنين لانه كلاسيكي والله يديم الرخص ومتوفر فيه كل شي اجهزة و اوزان ودنابل قديمة اصليه تمرن عليها المؤسسين ومسبح قبل فتره مجدد وسونا وجاكوزي حار بارد وميدان والمشتركين ناس محترمه ومتواضعه قبل كل شي ويساعدونك موب مثل الاندية الثانيه نفسيات واكسسوارات

نصيحة للمشتركين الجدد اللي حابين يلعبون حديد لا ينصبون عليكم المدربين ويبيعون لكم بروتين واحماض امينيه وجلوتامين وكرياتيين وهرمون وخرابيط انتبه خلك معي انا خربت معدتي بسبب هالاشياء والحمد لله صارت بالمعدة ما صارت على الكبد ولا الكليه . يعني تقدر تضخم جسمك او تنشف بدون المكملات الغذائية المصنعه ولا يوجد مثل الاكل الطبيعي بس يبيلك طولت بال شوي علشان انت في مرحلة التأسيس مثل اللي يبني بيت لازم اساس قوي تبني عليه ادوار على كيفك .



الطبيعي : ثلاث وجبات رئيسية ووجبتين خفيفة بين كل وجبه ساعتين الا اربع ساعات بالكثير والجسم على حسب الوزن يحتاج ما بين 3500 - 5000 سعر حراري
يعني 50% كاربوهيدرات و 40% بروتين و 10% دهون لتضخيم العضلات
50% بروتين و 40% كاربوهيدرات و10% دهون لتنشيف الجسم .



الصناعي: ثلاث وجبات رئيسية بين كل وجبه ساعتين الا اربع ساعات ويكون بينهم المكمل الغذئي بروتين واحماض
واذا ما اقتنعت بالاكل الطبيعي للمبتدئين واي بروتين مع امينو 2222 كبسولات تقل حصى
والمتقدمين تضخيم العظلات بروتين Iso Mass Xtreme Gainer
وميغا ماس سيرياس ماس والدب الروسي وبروكمبلكس



ملاحظة : البروتين يبيله اكل بعد ولا بتنشف يعني اضرب بالنعمة ولا تشتري من ناس ما تعرفهم ترى كلهم نصابين ارخ الريال شوي واشتر صحك ترى الفرق بسيط ما يسوى عندك جي ان سي ( ارمال ) بكل مكان لهم فرع ...





اتمنى للجميع اجسام خقق وصحه وعافيه والدجاجه حافيه . . .

[الزوجة الناجحة]

يعطيك العافية على الطرح
يسلمووووووووووووووووو

[نوااارة]

يسلموووووو على روعة الطرح المتميز

[حلو بس صغير]

شكرااااااااا