ربي انزعه من قلبي........

[ربي انزعه من قلبي]

صباااح الخير عالجمييع ...

اكيد مستغربين العنوان ..وكمان بهالقسم ؟!!

تكفون قبل تهاوشوني تفهموا وضعي,,,
وربي هالسالفه جلست بصدري وقت مو هييييين وانا والله ياناس اتعذب ......مالي بعد الله غيركم ..

السالفه وما فيها ..انا بنيه عمري 23 ..
قبل سنه وشوي تعرفت ع شاب ولاول مره بحياتي كانت اكبر غلطه وللان وربي اعض اصابعي نددددم ,,,مااكنت عارفه وش بيصير ..حسبالي لعب وبنسى ..جلسنا مع بعض تقريبا 11شهر بالتمام..تعلقنا ببعض بشكل جنوني ..وجا الوقت اللي تركنا فيه بعض بلحظه صمت بدون اسباب ..لاني عرفت ان اللي كنت فيه غلط ولازم اتركه مهما كانت النتايج وفعلا تركته ...ودايم تراودني افكار ارجع اكلمه واتواصل معه..بس ع طول اقوم أوضي واصلي واتعوذ من ابليس .. المهم ان ذا الرجال مو راضي يطلع من بالي ..وربي وربي وربي اني دايم اقوم الليل وادعي ان ربي ينزعه من قلبي وتفكيري ,,دايم احاول اكرهه ...واحط انه كان يلعب ويستانس ...بس مرررره موقادره انساه عجزت وربي عجزت والله لي سنه الحين وانه ماااغاب عن بالي يوم...انهررررت بس ابكي..ماتوقعت اني كذا ضعيفه ابدا...

اتصدق واسوي كل شي بنية اني انساه واتجاهل افكاري وادعي بفطوري وبالليل طوووول الوقت ادعي ان ربي ينزعه من قلبي ,,,

المشكله مو هنا ياناس...
انا مملكه لي شهرين وعجززززت احب زوجي ,,,زوجي بييينجن علي ..وانا وربي مااكن له اي شي...بالعكس اوقاات اكررررررهه وبس اصرفه ف مكالماته وزياراته..
وكل مااسوى شي اقارن بينه وبين اللي كنت اكلمه ...تعبت وربي تعبت ...زوجي مافيه اي صفه من اللي كنت اتمناها بشريكي ومررره ماااني متقبلته ابداا...كل عقلي وتفكيري مع غيره..ابد مااحسيت بفرحة الخطبه والملكه ..وزواجي بقي عليه 5شهور..لازم احب زوجي مره موقادره اتخيل اعيش معه..كل مافكرت بذاك الرجال اتناسا وبالقوه افكر بزوجي...

ساعدووووني وربي افكر بالطلااااق بس مررررره مااعندي اي مبرر..وعندنا عادات ثقيله شوي ...

نخيتكم قبل كل شي تدعون لي اني احب زوجي ومااشوف غيره وربي اني في حاله مايعلمها غيرالله بين الواقع وبين افكار ابليس وهوى النفس ..

تكفون ياناس خبرو كل البنات لايتهاونون بأي علاقه والله بيذوقون ألمها بعدين,,,
والله اني اكتب وابكي ..كتمت بما فيه الكفايه تعبببببت يارب

[ربي انزعه من قلبي]

نخيتـــــــــــــــكم احد يرد

[ماسه 5 قراط]

ربي هون عليك ظرفك و يزيل عنك همك لكن صدقيني ولا أحد هنا حينصحك تستمري في زواجك و تضلمي زوجك معك
اذا قلبك لسه منسى الأول فلا تضلمي التاني
لا أستطيع نصيحتك بشكل سليم لأن مشكلتك معقده لماذا رضيتي بالزواج اذا انتي لم تنسي الأول ؟؟؟؟؟؟
لو استطعتي تاجيل العرس فتره حتى تكون أفكارك في محلها و تاخدي الوقت الكافي للنسيان أحسن من الدخول في موضوع زواج او طلاق
حاولي التأجيل حتى تتضح عندك الرؤيا
و الله أعلم عل غيري ينصحك بنصيحه أحسن

[اخصائي اجتماعي]

لماذا ظلمتي نفسك وزوجك معك ؟


انصحك انك اذا ماتبي الراجل تبتعدي عنه في الف طريقه انك تبتعدي عنه

مثلاً تقولي ماارتحت له


او تقولي تفكيرنا مو واحد


او انك تقولي له هو انك ماتقدري تعيشي معاه وهو راح يتصرف




والله يكون في عونك انتي دمري نفسك بنفسك بس اهم شيئ لاتظلمي زوجك هو ماله ذنب في خربيطك هذي كلها


قال ماهي قادره تنسى الحبيب الاول !!!


الله يعطيكي خير نفسك

[سمير *]

أحب قبل ما أجاوب أستفسر عن نقاط مو واضحه برسالتك.....

1- سنه وشوي أكثر من 11 شهر.....

2- 11 شهر بعلاقه تنتهي بلحظة صمت وبدون أسباب إذا ما كان في نيه للزواج ليه إستمرت 11 شهر

3-عادات ثقيله شوي....شو قصدك بالعادات "الشرع" وين كانت العادات بسنة الغرام....

4-زوجي مافيه اي صفه من اللي كنت تمناها بشريكي ومررره ماااني متقبلته ابداا.

يعني لو كانت فيه الصفات المرسومه بخيالك حبتيه ونسيتي الاول....

5- إذا تركت زوجك ممكن ترجعي للاول بعلاقه شرعيه....

هذه بعض نقاط غير واضحه لنتمكن من مساعدتك أرجوا الإيضاح

ووفقك الله وسدد خطاك.....