لو عافني الخاطر

[قمريوسف]

لوعافني الخاطر وماعـاد الزمـك


جيتك ارد الدين في يـوم والـوداع


والكلمه اللي بـاح واعلنهـا فمـك


يمكن تكون الحد في هذا الصـراع


ماكنت مرغم لجل اجيلك وارغمـك


انـك تصـدق مايقـال ومايشـاع


والمبداء اللي كـان فعـلا يحكمـك


فعلا تغير فـي التعامـل والطبـاع


ياليت امرك في يدينـي واحسمـك


واعزي الخفاق في موت الشجـاع


اللي بطيبـه كـان دايـم يهزمـك


ويكفكف رجولك عن دروب الضياع


واللي اذا سبلـت عينـك يفهمـك


لوكان ماتحكي وتشـر باالصبـاع


يعرف مدى حزنك من انفاس انسمك


ويحاول التخفيف قـدر المستطـاع


واني حقيقه مـا تجـراء توهمـك


انك سما وينزلك فـي بطـن قـاع


واني صحيح القول عن هرج النمك


والوجه وجه الصدق مايلبس قنـاع


لكن رح دور على الللـي يوهمـك


ويسلمـك لـذل ويشـق الشـراع


يبني جدارك ثـم يرجـع يهدمـك


واذا حضرت احسن اليك الاستمـاع


واليـوم دامـي ماقـدرت افهمـك


جيتك ارد الدين في يـوم الـوداع

[قمريوسف]

ممكن احد يعدل الموضوع
والقصيده ليه طالعه كذا

[طيب الفال]

قصيدة رائعة وطرح مميز

اشكرك قمر يوسف ولك تقديري واحترامي

[ميمي التميمي]

رووووعه ياقموره تسلمين .

يعطيك العافيه على نقلك الراائع .

[فراشة برونزية]

ماشاءالله ابدااااع قمووورة

كان ودي اقوول مكركر بس مااااش خخخخخخخخخخخخ

الله يعطيك العااافية ويوفقك ويسعد قلبك يالغلا

سلاااامي للقمر